喜鍋 海鮮.點心.活刺身 蒸氣石鍋專門店 (已結業)

同老婆大人放工揾野食，经过人地啲打边炉店，佢就话好想食大蛏子，上Openrice睇下，原来附近有间蒸气火锅食，就打去问下有无位，lucky地有㖞，咁就go go go！上到去见到装修几靓，又松动，老婆开绿灯就入去试下啦！叫左蛏子皇，用豉椒煮，都几大只又厚肉！人地话蛏子等贝壳类食物，愈大只愈易up，因为怕唔熟要煮耐啲，时间拿得唔准又会过熟..呢度就无呢个情况，一啲都唔up，仲好爽口添！只只蛏子都好厚肉仲好甜，豉椒味道刚刚好，又唔太咸而且香，当中仲有啲青椒，有埋阵青草味，两种味加埋都几好！因为呢间食店都唔平，所以叫啲饱肚啲既食物，鳗鱼糯米饭就最好不过了，蒸左8分钟就食得，糯米饭内有少许蜡肉和虾米，增添糯米饭的味道，就咁食饭都觉得香喷喷，软身，鳗鱼片都好好味，又多鳗鱼汁，送饭一流，如果冬天食仲可以暖身添！食完仲有西瓜送添！餐饭都几好，食物又够新鲜，但服务就一般，啲侍应叫极都唔应，壶水refill完就系放系我个位中间！咁我又点食野呢？食都食得唔自在，希望下次可以有所改善啦！