和歌山 (已結業)

今日同朋友去行街, 有个朋友话想试呢间和歌山日本餐厅, 所以就入去试下, 职员问有室外位, 问我地坐唔坐, 我地见天气好, 又唔热, 所以话OK, 职员就带我地去坐位, 入到餐厅, 好有日本风情, 但室外坐位, 原来系穿过餐厅后面, 但环境都唔错, 同几干净, 唔知点解, 感觉日风, 有少少变左泰式风味.见咁好feel, 所以我叫左个海老冬荫冷面, 酸酸甜甜带点小辣, 劲醒胃, 只虾都算大只, 同好新鲜, 加埋个天气, 真系衬绝.另外朋友点左个上级豚肉稻庭风鸟冬, 我觉得个卖相同个汤底都好清, 可能我比较钟意食浓味野, 但我朋友话睇就清, 但食入口, 都好够味道, 乌冬都好有口感, 唔会太淋, 我朋友反而钟意佢够清, 感觉无咁肥腻.我地再叫左个和牛沙津, 不过佢餐牌上写系用澳洲和牛, 唔系日本和牛, 但都好好食, 雪花好匀均, 都有入口快溶既感觉, 个沙津菜加左柠檬汁,再配个蕃茄同柚子汁, 真系好好味.同好友一齐, 真系最开心, 加上个环境真系好舒适, 我地坐下食下倾下, 都系度差唔多3个钟, 职员服务都好好, 就系咁, 过左一个愉快下午.