住家菜 (已結業)

同好姊妹行街街兼食饭,佢知我性格,同人食饭一定唔会做决定的,所以佢都一早谂定食咩,仲订定位,时间一到就去原来好姊妹系呢度常客,都见有d职员同佢打招呼,可能系咁,所以又无其他食客说的态度差,仲几好漆㖞点菜方面当然交给好姊妹,由佢点菜我一向好放心,佢知我喜恶,点的都会啱我食叫左阿嫲鸡半只~咦,都唔平㖞,但系几好食,好滑呀,连鸡胸都系,平时怕鞋唔食鸡胸的都食左几件粟米鱼肚羹~唔叫例汤,因为好姊妹都知我成日有住家汤饮,唔会在外面饮例汤,所以叫呢个,唔太杰几好,都有唔少鱼肚,鱼肚淋滑,粟米清甜,呢个羹唔错蛋白蚧肉西兰花~一向爱食西兰花,呢度炒得翠绿爽口,加上蛋白蚧肉,好味咸鱼茸煎肉饼~蒸的就食得多,原来煎的系咁好味,好香咸鱼味,外面煎得脆口,正麻婆豆腐~港式口味,唔会好辣,不过好味,豆腐好滑,连平时唔太食饭的我都叫左碗来捞食真系食到好饱呀,好在佢d份量唔大,可以食多几种,不过我同好姊妹都唔系大食,所以都食净唔少,好想食埋佢,但真在太饱,好姊妹的确无介绍错,同佢食饭最开心,因为一定有好野食