影片
更多
2013-03-07
48 浏览
呢日去到新城市已经１点半啦，Mama问我食乜好？我咪带佢去希尔顿中心，佢见到价钱又话贵，所以就去一田Food Court由佢拣啦，睇吓睇吓行均全场，终于拣咗呢间＜COCOMO＞。我地坐低后，职员就放低Menu，睇落好似好多个套餐拣，不过对我都系麻麻，反而mama都对餐牌几有兴趣，最后拣了个拼盘，贪佢多款式可以试㖞，而我呢....就冇乜好拣，好在系＜惠顾午餐，可特惠价$10配小食＞，所以我就拣咗３个小食，再点多个即磨咖啡，一日唔饮Coffee点得㖞！Set Lunch ❿餐 ($69)① 意粉拼盘：肉酱意粉+珍宝肠+特色三文治+沙律（跟精选面包+是日餐汤／沙律及咖啡／茶／橙汁）惠顾午餐，可特惠价$10配小食 ②精选沙律 + ③南瓜野菜炸薯饼 + ④是日甜品 - 意式奶冻 ⑤ 即磨咖啡 ($28)Total: $127点餐后无耐，职员捧住一蓝面包行过来，里面有２款分别系黑麦和软包，叫拣一个系For套餐嘅，我就想食黑麦喇，不过Mama拣咗软包，附带ANCHOR butter，我都有试吓个包，应该系新鲜包，几香软都唔错噃。之后到套餐的<是日餐汤：西兰花忌廉汤>，味就较淡，质感都
我地坐低后，职员就放低Menu，睇落好似好多个套餐拣，不过对我都系麻麻，反而mama都对餐牌几有兴趣，最后拣了个拼盘，贪佢多款式可以试㖞，而我呢....就冇乜好拣，好在系＜惠顾午餐，可特惠价$10配小食＞，所以我就拣咗３个小食，再点多个即磨咖啡，一日唔饮Coffee点得㖞！
Set Lunch ❿餐 ($69)
① 意粉拼盘：肉酱意粉+珍宝肠+特色三文治+沙律（跟精选面包+是日餐汤／沙律及咖啡／茶／橙汁）
惠顾午餐，可特惠价$10配小食 ②精选沙律 + ③南瓜野菜炸薯饼 + ④是日甜品 - 意式奶冻
⑤ 即磨咖啡 ($28)
Total: $127
点餐后无耐，职员捧住一蓝面包行过来，里面有２款分别系黑麦和软包，叫拣一个系For套餐嘅，我就想食黑麦喇，不过Mama拣咗软包，附带ANCHOR butter，我都有试吓个包，应该系新鲜包，几香软都唔错噃。
之后到套餐的<是日餐汤：西兰花忌廉汤>，味就较淡，质感都几滑，见到有Ｄ西兰花茸，可是冇西兰花味。
到我的<精选沙律>，来到见到即系杂菜沙律，$10呢个价钱和份量我都接受到，顶层块橙好甜，菜都好新鲜冇烂的。
好快我的<是日甜品 - 意式奶冻> ，其实我唔钟意食奶冻、奶类制品，叫呢个本想比mama试吓嘅，点知佢又话我冇野食留返比我食㖞，好彩呢个只是细细杯，我都食得落嘅。没有多余的配料﹐只有上层士多啤利味果酱，清甜，而奶冻就用云呢拿和滑腻的牛奶配合﹐这个奶冻好浓郁，唔甜，好软滑，又几好食㖞。
之后到<南瓜野菜炸薯饼>，我又系因为想比mama试吓先叫呢个，因为我本身唔食吉列食品嘅，好在Mama对呢个都有赞，吉列炸粉唔厚好香脆，南瓜野菜茸又唔会油淋淋，都几好食。
点餐后的１０分钟，<意粉拼盘>终于上场，与餐牌上写的一样有肉酱意粉+珍宝肠+特色三文治+沙律，份量都几多睇落几靓仔，Mama食到一半已经话有Ｄ饱添，珍宝肠皮脆肉嫩、三文治用了麦包夹了蕃茄几好食、肉酱意粉亦都不过不失，Mama说几好食就是了。
最后先到我杯<即磨咖啡>...仲要我揾职员问一问先知原来漏单，最后都好快来。闻一闻，都几香，呷一口都不错，一点点酸味带点甘，几好饮。
张贴
