COCOMO (已結業)

我未試過去一間咁無奈嘅店。。。由我入座到食完都一樣咁無奈我等帶入座等左好幾分鐘，到入左座想叫野食，可能我8點幾入座又加上星期日，叫咩無咩。全部食物細細份，同我心目中個份量都差幾遠，最後我叫左個甜品，想加蜜糖，叫左3次都唔黎，最後問嘅時候佢話咪俾左囉，呢一刻火都黎，黎左定未黎我地做客嘅點會唔知？我覺得我唔會再去🙄我都唔建議人地去😒

今晚約左朋友沙田新城市食飯，因為朋友有九折咭所以推薦到這間COCOMO，餐廳同超級市場好接近，人流比較多，吸引好多途人參觀自己碟食物，感覺好開放！餐廳怖置都算有點心思二人套餐都係 $2XX 都好多款選擇麵飽同是日餐湯洋蔥湯，個湯唔夠熱六成熟牛扒倘可以都有牛味，配菜份量真係搭夠餐碟平面海鮮墨魚汁麵份量剛好意大利粉軟韌適中，墨魚汁比較少所以欠缺香味餐後還有甜品朱古力雪糕及熱飲，比較沙田新城市食肆倘算收費平宜！

因為住得近，所以會經常幫襯！可惜.........水準每況愈下！今晚，我竟然可以飲了一杯有爛檸檬味咁凍檸檬茶，於是我換了一杯新的，可是結果也是一樣！老公㗎7成熟西冷牛扒，扒外層係暖，切落去係無汁流出來，內裏係凍㗎⋯⋯我諗我們一家會將lee 間永久除牌！

假日好耐都未試過早過12起身，今日早起，決定食個豐盛早餐奬勵自己，落樓下試試cocomo 嘅早餐。這裡地方唔大，先前好多時候都見有人等枱，今日早起，店鋪剛開門，不用等就坐低了，太好啦。這裡早餐選擇近英式早餐，正合我心意，始終港式早餐太悶了！今朝2口子吃了英式早餐跟奄列早餐，這份量不少，性價比挺高呢。雖然牛角包較燶，影響正體評分，但綜合起來，有7分呢，因為沙律菜新鮮，沙律汁酸甜得宜，奄列更剛好7分熟至於英式早餐，不得了，份量拍得住外面嘅Sunday brunch 份量，但價錢只係外面嘅三份一，性價比值有10分。 沙律菜正不再講，除了多士之外，所有都是熱呼呼啲，好好味。咖啡亦甘香，配上熱奶油，一朝早有如此配搭嘅早餐，乎復何求！咁樣都只係70左右，而家任何一間似樣嘅茶餐廳都唔得啦，以後嘅假日早餐有目標了

睇都睇到賣相好一段其實我地下午茶時間去都已經冇乜人！可以用心切好dd lor! 但好彩，食落都OK! 果碗係好搞笑嘅配搭，南瓜，落落，芝士薯蓉！味道夠！唔錯唔錯！菇又冇出水！幾好！意粉太淋，冇口感！但蜆冇沙，好味！炸野都幾脆！唔係放左好耐果隻！

今日好想食咖哩，於是走咗去食coco本身偏好日本咖哩，因為咖哩味辣得嚟又唔係淨辣味，甜甜地，而且香味搭夠，如果要食咖哩，通常過嚟這間食。今次揀吉烈豬扒奄烈咖哩飯吉烈豬扒無稀埸，好大塊呀⋯⋯女仔食要三思，真係食唔哂的。味道係幾好，豬扒吉烈完唔乾，但又唔算juicy，但要讚讚它炸得唔過熟，仲有少少紅嫩，所以點咖哩汁食就好夾，咖哩豬扒好味。奄烈好滑，加分👍🏻👍🏻唔完全熟，又加分👍🏻👍🏻成個飯最唔得係果飯，好硬，唔軟熟既米，更加唔係以前既珍珠米。

行到好攰 所以揾左間餐廳是但食啲野 餐牌上好多都好吸引的 由於小妹我好鐘意食burgers 基本上有得揀漢堡包我都會食 哈哈 所以今次都唔例外 都係揀返有burgers的餐啦🙂漢堡包餐已經係啲基本野 但都可以係完全唔好食😞😑🙁首先塊麵包油到反哂光 真係見到都驚 煙肉又硬到成塊煙肉乾咁 重點是塊漢堡扒 真係好難食 味道好奇怪啊 所以整體來講 漢堡包係唔好食的但粗薯條都不錯 相信是即叩即炸的 因為食的時候還是熱辣辣的

兩個行黎行去唔知食咩,見到cocomo! 平平地200幾蚊兩個人好！ 就入去試下....湯唔夠熱，麵包夠熱，扒都唔錯！ 如果大舊d就好（貪心mode) haha.....但好味，我點咖啡,朋友點奶茶！ 夠熱....總括黎講,抵食面面都ok

每次黎都太夜試唔到甜品~ 今次仲飽飽地食唔落正餐可以試下了😁~ 但選擇都唔多~ 記得以前好似有芭菲杯的但宜家無左 lu~ 呢款綠茶包包比較吸引~ 外型麻麻地😅 但味道唔錯~ 綠茶雪糕, 紅豆蓉, 栗子粒+厚包包~ 都幾大件~ 碟邊有煉奶可以點麵包食~ 另外 order 小食 fish and chips~ 份量夠多~ 魚係即炸夠熱~ 不過就燶左 d~ 配他他醬超正😋

一向比較喜歡開放式的空間的cocomo, 可以在lunch 時間放鬆一下心情午餐價錢中上, 但勝在份量夠南瓜忌廉湯有時飲餐湯都飲到冇乜期望, 好在呢個南瓜湯夠真材實料, 真係有南瓜容味道有香濃忌廉味色澤都好吸引############海鮮拼盤定食揀左呢個拼盤, 因為乜都有薯容真係熱辣辣, 而且薯容都夠滑燴飯同樣用上南瓜, 加埋大大隻帶子--係煎得夠香燴飯裹面仲有唔少菜粒, 口感可以豐富啲可惜炸雞就麻麻, 凍左啲, 個皮硬哂!肉質幾多, 冇話炸到老哂, 同埋都重味, 幾啱我口味

是日係聖誕節，一家人黎到Cocomo食餐好既，正正因為係聖誕節，平時有既平價食物今日都無，只有聖誕MENU，不過都唔係貴過平時好多啫。今日每個餐都有南瓜忌廉湯，麵包，沙律，主菜同埋飲品。南瓜忌廉湯好creamy，用料恰當，麵包每人仲有3款，設計有創意，熱辣辣咁上碟，最好食係個牛角包，又香又鬆軟。燒汁香蔥雞肉蛋包飯: 蛋包飯賣相都幾好，但係味道比較淡，汁亦都唔太夠，焗海鮮飯(忌廉汁): 飯既海鮮好足料，有蝦，青口，魷魚等等，用忌廉汁亦都非常配合，加左少少芝士，味道淡淡地唔太濃亦唔太膩，整體來說, 份量好足，整體配搭唔錯。廣島蠔肉蕃茄意粉: 意粉口感彈牙,  蠔肉細細粒，份量唔多，混左係意粉裡面，無咩雪藏味，醬汁仲好重蕃茄味，好好味。食完主菜之後仲有咖啡或茶，之前試過呢到D咖啡，覺得唔錯，所以今次都係揀返咖啡。

留意到此店的特式西式套餐，特意試試。輕盈意粉拼盤有沙律、焗蔬菜、薯餅和意粉，十分吸引。套餐配有南瓜忌廉湯、三式餐飽及餐飲，十分豐富。先來南瓜忌廉湯和三式餐飽，南瓜忌廉湯creamy而味足，用料恰當，不過濃，不甜膩。三式餐飽設計有創意，既香脆、又鬆軟，高水準，值得回味。輕盈意粉拼盤有意式蕃茄芝士沙律、南瓜忌廉汁焗蔬菜、菠菜煙肉薯餅、蘑菇欖油意粉。拼盤食品的配搭有心思，亦有質素。沙律蔬菜新鮮乾爽；焗蔬菜熱騰騰多汁入味；薯餅用料豐富，做得香脆；意粉味足香軟。整體而言，是令人嚮往回味之作，富有營養，值得高度讚賞。是次選了熱檸茶，亦是好喝之作，甜味夠，濃度適中。

星期六一家人黎食LUNCH, 我都未試過食餐便飯都可以食到成肚氣。一行3人, 唔大食, 唔肚餓，叫2個餐再加多個小食。D 湯上左之後10分鐘連包都未上，MAIN COURSE 已經上晒，但同時隔黎台有D有包就無湯，什麼的LOGISTICS?有人又有湯無包，有人又有包無湯.......咩事呢?D 湯係蘑菇湯，味道OK，落少D 水會更加好。2個餐TOTAL 有6個包，即係一個餐有成3個，真係豐富，食包都食飽啦。小食加多左個菠菜飯，熱辣辣都幾好味。MAIN COURSE 叫左個海鮮意粉拼盤，有大蝦，三文魚沙律，意粉同埋焗蔬菜，意粉味道好重蕃茄味好好味，三文魚都幾新鮮。另外一個叫左咖哩海鮮飯，咖哩汁好多，海鮮亦都唔少，都唔錯既。最尾送上咖啡，係蒸餾咖啡，唔係就咁用粉開，好香好好味。OVERALL 黎講係OK 既，但係SERVICE 真係差左少少，加上員工都無留意食客既需要，有咩理由上完個MAIN COURSE 先上返跟餐湯既麵包呢?!??!

和朋友去完沙灘，喺沙田想搵個地方醫下肚，間間都勁多人等位，見到呢間價錢合理，賣相又幾吸引，就決定試下！等左大概半個鐘先有位坐低，環境同服務都幾好，食物不過不失啦，但下次再黎一定唔會再叫蛋包飯

行到肚餓，見到個餐牌都幾吸引咪試下，唔洗等太耐就有位。店員服務態度都唔錯。同朋友叫左個吉列豬扒蛋包飯附送餐包，賣相都幾好架。啲餐包估唔到又幾好食，但係個飯就差少少。飯偏硬，個蛋味道好淡。如果依個價我個人而言，可以有更好選擇。