夏麵館 (寶石大廈) (已結業)

星期六唔想留係屋企，就出左去荃灣同媽媽三代同堂食晚餐。今次選擇左上海菜，見夏麵館位置都方便，野食都唔錯就決定去呢度食啦！未夠18：00就入座，未見多人都係有一兩枱客，睇下餐牌有咩食先。我個女要食炒飯，春卷同溫泉蛋，媽媽想食鱔糊同炒菜，我只係想食高力豆沙溫泉蛋黎啦，個樣咁既？？？個黃爛左少少喎。但味道依舊好味小木耳炒青瓜偏咸唔多接受，鱔糊好大碟呀！份量都好夠，配炒飯食一流，食食下想飲酸辣湯，就叫左一位。酸酸辣辣但媽媽就不太岩口味啦。最後甜品高力豆沙，阿女邊食邊讚仲想叫多次，但太飽啦，下次再食啦。整體係好味既，有下次呀！