明星海鮮酒家

营业中

休息中

旧同学由外地返港聚会，相约于西边街明星酒楼，唔知系咪长假期关系，晚饭时间都唔算多人。人多食围餐唔驶烦又实际，仲系全包埋宴，几多钱一眼睇晒。乳猪，大家都觉得唔似全体，香脆可口，味道OK嘅天妇罗虾炸得香脆不过虾就无咩鲜味嘞。甜豆炒花姿片虽然菜单系写凤片，但系就唔见有鸡肉，反而有螺片㖞。味道唔错几好食系有啲油咁啰。金菇瑶柱烩小棠菜/娃娃菜清清哋，够味又唔油见到几条鲍参幼丝嘅，千零蚊全包宴算系咁龙趸头腩滑溜鲜味枝竹云耳吸收咗精华好好味。西兰花炒龙趸球颜色几靓，够镬气，上枱时阵阵香气飘来，鱼肉弹牙有鱼鲜味烧鸡皮脆肉嫩又唔太咸荷叶饭好香，自己无食到。桃包是一般，好处是不过甜。最后有一碟西瓜都好甜。整体都几好唔错，几抵食。