鏞記酒家

营业中

休息中

久违了的旧同学饭聚，约咗几次终于齐人，过年时已经book定镛记嘅位。餐厅装横当然系中式设计，系一楼色调清雅唔沉默，枱同枱之间有足够距离，感觉雅致舒适。一场来到，当然要试炭烧黑鬃鹅～鹅皮唔算非常脆身，但鹅肉好滑，中间有啲鹅油，劲香口！至尊炭烧肥㶶叉卖相已经好得，叉烧肥瘦适中，入口肉质松化，好好味。反而松花皮蛋配酸姜就未必啱我口味，但有朋友钟意，都好快清碟。桂花蟹肉炒津丝食得出系新鲜蟹肉，咬落有鲜味都唔会好散，系好有诚意嘅制作。职员服务态度唔错，加茶同上菜都很快，有问题亦都会详尽解答。整体好满意，相信无论系同朋友、长辈定客户嚟食饭都绝不失礼！