The Town (已結業)

位于烧鹅名店镛记上面，由于系楼上餐厅，唔特登揾应该比较难发现。 餐厅有两层，装修系轻奢风格，位置摆放得宽松，所有凳都系有厚软垫的，地面铺上地毽，从入餐厅到坐低都感觉软绵绵的，环境好舒适。点左Chinese Executive Set Lunch, 每位288+10%，价钱合理。是日老火汤红萝卜粟米排骨汤，冇味精同煲得够火候。点心拼盘有一粒虾饺，一粒素菜饺同叉烧酥。叉烧酥造型靓，入面有足料半肥瘦叉烧，酱汁浓厚。上海焗海虾伴窝巴大虾新鲜弹牙，芡汁唔太浓，唔会遮盖虾嘅鲜味。双笋头抽爆牛肋肉呢个比较普通，牛肋肉较韧，需要咬好耐，唔太入味。金银蒜炒时蔬颜色翠绿，口感脆嫩，正常中菜厅水准。迷你海南鸡饭油饭粒粒分明，带有姜葱嘅香味，鸡肉肉汁嫩滑，好食，如果大份d更好。中式甜点陈皮红豆沙，浓度适中，煲到起沙而且豆粒仍然有咬口。