影片
更多
2024-08-13
85 浏览
之前就有同事推介我去试吓呢间日式捞面，但系一直都冇时间。今日终于同屋企人一齐嚟品尝^o^爸爸嗌咗「叉烧捞面」，小麦面口感劲道、入口非常顺滑，加上叉烧肉质鲜美，每一片都切得厚薄适中，入口即化，我爸爸都食得赞不绝口！我嗌嘅系「明太子忌廉捞面」，creamy 嘅味道搭配上明太子一粒粒嘅爆浆口感，奶香味十足！猪腩肉亦都好好味，肥而不腻！每一口都系极致嘅享受！妈咪嗌嘅系「柚子盐味捞面」，柚子自带嘅香气令呢个面嘅味道十分独特同清爽！汤底少少嘅咸味好适中，令柚子嘅香气更加突出。搭配上煮得硬度刚好嘅面条同鸡肉片、蛋黄、水菜等配料，妈咪都话正！我哋仲嗌咗小食「盐味枝豆」，枝豆本身自然嘅甜豆味，加上少少嘅盐味互相融合，真系简单又美味嘅日式开胃菜。「明太子鸡翼」呢个组合我真系冇谂过。我哋以为系暗黑料理，但系明太子嘅咸香味搭配鸡翼鲜嫩多汁嘅口感，都几好味吓！
之前就有同事推介我去试吓呢间日式捞面，但系一直都冇时间。今日终于同屋企人一齐嚟品尝^o^
爸爸嗌咗「叉烧捞面」，小麦面口感劲道、入口非常顺滑，加上叉烧肉质鲜美，每一片都切得厚薄适中，入口即化，我爸爸都食得赞不绝口！
我嗌嘅系「明太子忌廉捞面」，creamy 嘅味道搭配上明太子一粒粒嘅爆浆口感，奶香味十足！猪腩肉亦都好好味，肥而不腻！每一口都系极致嘅享受！
妈咪嗌嘅系「柚子盐味捞面」，柚子自带嘅香气令呢个面嘅味道十分独特同清爽！汤底少少嘅咸味好适中，令柚子嘅香气更加突出。搭配上煮得硬度刚好嘅面条同鸡肉片、蛋黄、水菜等配料，妈咪都话正！
我哋仲嗌咗小食「盐味枝豆」，枝豆本身自然嘅甜豆味，加上少少嘅盐味互相融合，真系简单又美味嘅日式开胃菜。
「明太子鸡翼」呢个组合我真系冇谂过。我哋以为系暗黑料理，但系明太子嘅咸香味搭配鸡翼鲜嫩多汁嘅口感，都几好味吓！
张贴
