喜運點心專門店 (已結業)

星期六下午四点同老公去石门按摩，本来谂住按完去新城市揾埋阿囡一齐食，但按完之后好攰，又似好快会落雨，于是就喺石门食晚饭，去左一间好近马铁出口嘅点心专门店。入到去里面虽然座位不算多，因为时间早（六点），所以即刻有位。按摩完好肚饿，于是我地三个人点了八款食物：一个是日精选炖汤 - 海底椰雪梨瘦肉炖汤，呢个汤冇味精，好足料好够味道👍👍👍👍👍啱晒钟意饮汤嘅我。一盅豉椒鳯爪排骨饭，呢个饭同样好多料，仲有菜，饭唔烂一粒粒咁，好味👍👍👍👍👍一碟油菜，菜唔油腻OK👍👍👍糯米鸡好大只，糯米都算软绵，如果有冬菇就更加好👍👍👍鲜虾炸云吞好好味，啲皮好脆虾好新鲜👍👍👍👍上肉响铃肠，肠粉卷住入面有脆脆嘅响铃、瘦肉同𧎚，三种配料份量适中，好味道👍👍👍👍竹笙素翅汤饺，皮够薄，汤底味道很浓又够热，加埋姜丝淅醋，超正👍👍👍👍👍还有金钱肚，比较稔，味道ok👍👍👍仲有菊花茶，好香菊花又唔太甜👍👍👍👍总括而言，价钱合理，好味道。