喜運點心專門店 (已結業)

餐廳係石門站旁，格局似茶餐廳，位置唔算好多。基本點心全部都有，味道同茶樓既一樣，而且都係即蒸。茶介就$3 一位，免加一，比茶樓平好多。- 鮑螺片棉花雞 ($30)- 蠔汁蜜味叉燒包 ($22)- 醬皇鳳爪 ($26)三樣都係正常茶樓水準，味道都好足。- 鮮蝦燒賣皇 ($33)飲茶，唔係蝦蛟，就係燒賣。依個燒賣都合格，豬肉，蝦比例幾好，口感扎實。原隻鮮蝦滑腸粉 ($34)- 腸粉皮唔算好薄，但都OK。柱侯金錢肚 ($32)- 金錢肚份量都唔少，好夠味。鮮蝦炸雲吞 ($29)- 鮮蝦炸雲吞，食落仲係脆卜卜。

種類不算太多，不過口味一定點都會岩心水吃，環境舒服乾淨，地方唔算太大，我覺得適中，唔會好似酒樓咁多人會有過多嘈雜聲音。明火精選靚燉湯，我個人就好喜歡一個細靚燉湯，依個係南北杏菜膽燉豬肺湯，沒有味精，飲落好像自己在家煲一樣，滋潤又好飲。這個是臘腸滑雞煲仔飯，煲仔飯似係蒸飯類型，沒有飯焦味，普普通通一碗臘腸滑雞飯，雞嫩不錯。明爐叉燒滑腸粉就是正常發揮水平。還點了一枝豆漿飲，旁邊是奶皇千層馬拉糕，好鬆軟，好有蛋香味，幾好味下。鮮蝦燒賣皇都是正常發揮。最後是紫醉金迷流沙包，我最注重就是餡是不是流沙質，這個有達到我想要的效果，裡面夾雜有咸蛋黃，味道不錯，不油膩。整體味道不錯，而且價錢位適中，性價比高的點心，除了可以堂食外還可以外賣，全日免收加一，茶位$3/位，近火車站位置，職員友善，而且送食物速度都快，都算一個不錯的選擇。

📍喜運點心專門店 (沙田)喺正石門站A出口的點心店 超級就腳店面唔算大 得八張枱 而且啲凳冇得挨不過overall唔會坐得迫的不過一個人食到嘅點心好有限😂🙈淨係叫咗1飯+1點心🥟.#北菇滑雞飯 $33雞肉正常發揮 不過冬菇得一粒😢點上豉油好有港式風味🤤份量比一般正餐少 要叫埋其他點心先夠.#原隻鮮蝦腸 $34有3條唔長但厚嘅腸粉 食落都幾滑！每條腸粉有兩隻大鮮蝦🦐唔算平🧐 但喺冇加一嘅情況下可接受.茶芥 $3/位一壺茶任裝 好抵飲🫖.呢間未去到特登搭車入嚟食嘅地步但如果喺石門嘅話不妨一試(*'ω'*)順帶一提 佢staff好親切同埋有禮貌令成個用餐體驗加左分🥹

今日周日放假當然要訓晏d la點知起身時已日上三干開始肚餓突然想食點心但都成4點😂😂酒樓都落場而沙田又少點心專門店我所知得數間突然諗起石門馬鐵站隔離有間超方便🤭🤭咁去食啦當然唔洗等位直入～叫了最喜歡點心～蝦餃～蘿蔔糕～鮮蝦蝦腸粉～炸雲吞～等一陣已上蝦餃味道ok正常既皮還可啦但嫌唔夠實一咬就少少散～之後其餘3樣都來埋～蘿蔔糕味較淡同唔夠實一夾就散晒🤦🏻‍♂️一夾就散既口感當然麻麻啦蝦米又唔夠～到蝦腸啦～蝦大隻既ok還可入得口個腸粉就厚同湖口唔及格囉～炸雲吞就正常好多夠脆但醬汁都係用返泰式辣醬穩陣～佢果個唔知咩醬黎😂整體上中下水準但勝在方便囉～

【沙田區】【喜運點心專門店】朋友會計妹就快移民，移之前去石門攞新身份證，咁近我屋企就梗係順便食個飯。嚟到呢間點心舖首先就叫咗 $33 嘅「喜運鮮蝦餃」，用得餐廳名嚟命名都唔會太差吧。只係有幾隻個皮係穿嘅，影響咗個感覺，味道係可以。之後食埋 $30 嘅「懷舊糯米雞」，佢味道係幾好，不過一路掛住食完全唔記得影相，足以證明係真係幾好嘅。跟住到 $24 嘅「紫醉金迷流沙包」，聞說係呢度嘅名物之一，食落去個流沙效果唔錯，味道唔會太濃，幾啱我食。食埋 $35 嘅「百花釀魚肚」，好似係一塊魚滑放喺魚肚上面咁，兩樣嘢都唔錯。就咁嘅話，我哋就實唔夠飽，所以另外我哋仲叫咗 $29 嘅「明爐叉燒滑腸粉」，啲叉燒又真係 okay，啲腸粉本身算係香滑，成件事加埋係幾好嘅。跟住到 $26 嘅「雞粒鹹水角」，熱辣辣，好味，冇叫錯。之後都係 $26 嘅「蠔皇鮮竹卷」，水準都高。整體嚟講，連埋茶位 $6 一位之下，呢度 $209 兩個人，一人舊零水食呢啲嘢，我覺得係可以嘅，不過讚得太勁又話我打手。。。（地址：沙田石門安群街3號京瑞廣場1期地下30C號舖）

星期日早餐，諗住試下新嘢。鋪面細，坐得窄，但清潔感ok。 看得到厨房，師傅確係即場整點心。而且厨房都都好乾淨，讚！蝦餃、燒賣質素最好，味道不錯。腸粉有啲酸味，粉果皮厚無咩餡。春卷夠脆，但多味精。服務可以話係無，所以無可評論。整體是一般，無咩機會唔會再去。

承接上一篇係石門食完早餐之後，就物色午餐外賣😂見e間鋪頭食評都幾好，就諗住唔伏買左好幾款試下鮮蝦燒賣皇 $33味道正常，蝦唔算好多柱侯金錢肚 $31👍🏻👍🏻金錢肚厚實軟淋，夠重味撈飯一流XO醬蒸排骨 $28肉質麻麻，冇XO醬味，普普通通紫醉金迷流沙包 $23好難食，有陣怪味，奶黃都偏甜章魚雞粒飯 $33章魚雞粒size細，而且偏鹹，唐記水準高啲🙊千島脆皮炸蝦角 $36 👍🏻👍🏻全場最好食嘅甜心，不過我係有焗過先咁脆🤪總結：坦白講冇其他食評寫到咁驚喜，唔知係咪最近做差左？如果比我再選，我會去蒸X買😂😂唔知大家又試過未？地址：沙田石門安群街3號京瑞廣場1期地下30C號舖評分（5⭐️為最高）：環境：⭐️⭐️⭐️⭐️服務：⭐️⭐️⭐️⭐️食物：⭐️⭐️⭐️價錢：⭐️⭐️⭐️

今日公司早收工，叫太太帶兩個小朋友到石門地鐵站集合，試吓京瑞廣場附近餐廳。行經一間點心專門店，我們一家就入去坐低試吓。食店內的環境清潔舒適，食物真係即叫即蒸的，等了一陣子，熱辣辣香噴噴嘅點心已放到我們面前，首先係要讚係個「燉湯南北杏菜膽燉豬肺」，無味精好飲，清甜可口，係正嘅之後個鮮蝦燒賣王… 因為小朋友好喜歡食，所以我們一共叫咗兩籠再嚟多個「香煎蘿蔔糕」，煎得好脆口，又有蘿蔔絲，加上甜醬簡直係絕配好啦～ 講完食物… 我想講係服務質素其實原本我係唔打算寫呢個食評，所以無咩食物相片給大家參考，原因係個茶位問題我哋一家四口（兩大兩個細分別一個兩歲及四歲），最後結帳時我問點解收我四個茶位一共$46，他竟然答我：「你哋四個人坐左四個位，收四個茶位無收多你喎」，我當時很不憤，不過算啦～ 無下次，無下次我兩個小朋友仲係叫左杯菊花茶飲添希望大家除了首要注重食物質素之外，也要注重服務態度這一點，共勉之！

今日同朋友兩個人去左石門，見到石門站出面既喜運點心專門店幾多人食，諗住入去試下，入到去大概等左5分鐘先有位坐，我地叫左七味虎皮尖椒，叉燒腸粉，蝦餃，兩個燉湯。蝦餃大大粒幾彈牙幾好味，唔錯👍👍叉腸皮好滑，味道都👌不過如果可以再熱啲就更加好👍七味虎皮尖椒味道口感都唔錯，不過七味粉可以落少啲值得一讚既係個湯，好足料，好好飲，最緊要係夠熱！攞到出黎仲係熱辣辣出煙既👍👍👍overall 呢間喜運點心都幾好既，同埋裏面啲姐姐好有禮貌，下次黎應該會再試！

感覺d嘢食提前好多準備蠔皇鮮竹卷冇耐已經凍曬，初頭都覺得自己食得慢，d芡先咁快「傑」但係最簡單嘅牛肉腸，都做到皮肉分離⋯瞬間get呢間舖做嘢越來越低水準估計冇下次，都係第一次幫襯呢間舖果陣最好食

好似好耐冇聽過「陳村粉」依個名，似曾相識，講到咀邊又講唔出黎係乜鬼，對於粉人黎講，淨係個名都吸引。陳村粉 - 薑蔥牛柏葉 $35兩個字 - 失望，好油，好厚牛柏葉係幾有味，同普通嘅茶樓差唔多味。但重點係個粉好厚同好油。唔係咁㗎，我記憶中嘅陳村粉（沙河粉？！）應該係類似腸粉嘅物體，好薄，少少煙煙韌韌，配埋啲汁一齊食，充滿飽肚感。可惜，失望往往黎自期望。鳳爪排骨飯 $32正常味，飯粒偏硬，但可接受，鳳爪同排骨都唔係好鹹，Mcmug 唔覺得幾好食，Mcdull就覺得比得上唐記包點，對佢嚟講，都算係幾高嘅評價。南北杏菜膽燉豬肺湯 $40兩個字 - 好清，好淡，推介其實佢都落足料，豬肺好淋，我覺得就淋咗少少，燉湯嘅肉都幾好食，40幾蚊來講算幾抵。Mcdull覺得豬肺嘅味道同陸羽茶室食嘅差唔多；Mcmug就覺得兩個湯都幾唔同下。叉燒包 $20我覺得好似蒸得太耐，d皮濕濕地咁，但係個餡就唔會特別甜，食到有少少叉燒味，幾好。鮮蝦炸雲吞 $28係脆既，不過好油，不推介，油到我都食淨左一隻。Mcmug 綜合評分：5/10，櫃檯嘅姐姐好好人服務幾好，+0.5，5.5/10 如果下次嚟食，個燉湯係鐵膽，再搭吓

今晚點了7道點心，有牛肚、鳳爪、鮮竹卷、牛柏葉、燒賣、魷魚及麻蓉包，其中一碟點心是鳳爪。外賣自取，去到餐廳剛剛包好即取，進餐時間大約是取餐後三十分鐘。點心熱度尚可，水準跟以往一樣。當吃到鳳爪時，咬下去，跟以往的味道不一樣，酸得像吃檸檬🍋，有點疑惑🙄，再夾另一件嚐嚐，都是一樣，再看看伴碟的蔬菜，應該是豆角吧，但顏色不是平常的翠綠色，像脫了色般，跟另一碟同樣是伴菜的豆角形成很大對比。希望今晚別拉肚子。

今天很早入了石門會回朋友行山，起行前先醫醫肚，就在港鐵石門站門外便有間《喜運點心》了！ 環境、桌椅、工具、地下都潔淨不會痴立立最棒就是全日免加一，餐廳提供了指定茶，每位HKD 3。 點餐紙落單，選擇很多 有點心、飯、點心及湯～ 而小妹就挑選了鮑螺片棉花雞、懷舊糯米雞、山竹牛肉、潮洲蒸粉果 😍上菜時仍是熱騰騰，煙霧彌漫😁立即入口很暖心，份外美味！ 特別是山竹牛肉，內裡的馬蹄好大棵，沾上大量喼汁後好好味 😜 而糯米雞size 很巨型又多料。最後我倆都抱著肚起行了。 另外不得不提 職員們有善又窩心，看見一位老伯伯沒多少外衣便跟他問好，聽對話應是常客仔 ～～ 很久都沒有見這窩心場面了 🥰

以前想吃一盅兩件只可以在茶樓或酒家品嚐，但隨著不少點心專門店的掘起，我們大可以隨時隨地，日與夜，任何時候都可以歎杯茶、食過包。這家位於石門的點心專門店，除了有一般的點心外，還有多款中式糖水、冷熱甜品、燉湯等供應。喜運鮮蝦餃（HK$32)👍👍👍👍吃中式點心，又點可以不叫蝦餃！蝦餃以店名為名，必定是店主推介。一籠四隻的蝦餃，大小剛好，一啖一口，餃皮隱約望到粉紅色的蝦肉，蝦肉爽彈鮮味。潮州蒸粉果（HK$22)👍👍👍👍另一款很多人都喜歡的點心 - 潮州蒸粉果。三隻大大隻的粉果，餡料塞爆，爽口的粉葛和花生加上煙靭的粉果皮，令粉果增添口感。懷舊糯米雞（HK$29)👍👍👍👍現在不是很多地方有糯米雞吃，因為大多數都以迷你版的珍珠雞代替。這裡的糯米雞，體形巨大，荷葉包著糯米，糯米又包著很多材料。荷香加糯米香氣，令這隻巨型糯米雞更吸引。蒜香鮮蝦春卷（HK$29)👍👍👍👍吃完多款蒸點，吃一個香脆的蒜香鮮蝦春卷。春卷炸至金黃香口，裡面的蒜蓉蝦味突出。煎蛋免治牛肉飯（HK$36)👍👍👍👍蒸飯上舖了一層免治牛肉，然後再加一隻煎蛋，沒有什麼花巧，只是一個平實但美味的蒸飯，只需加少許豉油，已經很足夠。鮑魚花旗蔘燉竹絲

今日同同事去完石門度做嘢 原來馬鐵站隔離個商場開咗好多小店 今日就去食下呢間喜運點心專門店午餐時間超級多人全場爆滿 枱櫈都幾逼不過勝在免收加一幾抵食叉燒腸粉 薄皮夠滑捋捋 入面嘅叉燒份量幾多 入面嘅叉燒亦都好多 而且有淡淡嘅蜜味 唔錯唔錯臘味糯米飯 然煙靭靭 醬油粒粒均勻 惹味臘味有臘腸 潤腸 臘肉等等 夠曬足料山竹牛肉 大大粒牛肉味濃郁 食落無乜硼砂味 因為好多普通酒樓既食落都有硼砂味 呢間嘅用料好豐富 而且亦都富牛肉味 配上酸酸地嘅喼汁一啲都唔油膩 仲有原塊腐皮 好食蝦餃味道十分鮮味而且入面嘅蝦亦都好大隻蝦餃皮好精瑩通透有薄身食落口感豐富味道一流燒賣食落比出面嘅更加爽口彈牙 唔知用咗咩獨門秘方呢 而且豬肉味亦都好香濃 出面好多地方食到嘅爭咗幾皮鹹水角炸得好香脆可口 而且皮好薄 餡亦都好多 好豐富嘅口感腐皮卷相對上比較失色 因為炸得唔係好脆 但係入面嘅蝦肉味都好濃郁