The Pantry Cafe

营业中

休息中

话说我妈咪系一个终极嘅港女，佢最钟意靓嘢，同埋食甜嘢～葵芳呢一间疏乎厘专门店我哋成日都嚟呢一个脆脆系我哋成日都叫嘅，不过佢永远都系食一件，我就食埋另外𠮶两件，不过脆卜卜，加埋佢𠮶啲酸奶酱，仲有少少肉，其实一啲都唔肥～我哋每一次都当佢系餐前小食咁叫除咗平时一定会叫嘅𠮶几样嘢之外，每一次都想试吓佢唔同嘅沙律，咁当然呢一个沙律都系交咗俾我负责食啦，屋企个港女又点会钟意食菜😆😂猪肋骨都系每次嚟亲呢间餐厅必叫嘅，我记得第一次嚟餐厅嘅时候见到佢有两份唔同嘅size，我就问佢大𠮶份大唔大㗎，员工同我讲大𠮶份惊我哋两个女人食唔晒，跟住我就二话不说咁就啱啦，我就要大个份啦，因为我净系食啲肉😂🤣 呢个系几好味嘅，啖啖肉，骨肉都好容易分离煮得唔错今次除咗同港女嚟之外，都同我屋企个腌尖男爹哋嚟咗，佢嗌咗个鱼嚟食，平时我哋都未必会嗌饭，不过呢个又几好味㖞～ OK嘅呢杯嘢饮一睇就知道邪恶㗎啦，系港女一定会嗌嘅，佢有朱古力薄荷味，同埋士多啤梨味，佢两款都试晒㗎啦，每一次嗌一个都系为咗同你杯嘢影相～佢就好似啲小朋友咁每次饮完依杯嘢已经挨饱食唔落其他嘢我通常都会偷咗佢杯出边黐住𠮶啲脆脆，同埋上边个窝夫嚟食疏乎厘因为今日