euro go go

营业中

休息中

今日下午我们去咗葵芳新都会广场嘅「euro go go」食下午茶！我们叫咗白汁海鲜意粉、法式薯蓉焗田螺、火腿香肠鲜茄汤通粉配热脆牛角包、农夫比得包同甜脆香蕉酥！白汁海鲜意粉嘅海鲜都几多，意粉都算弹牙，不过酱汁比较浓，感觉好腻！火腿香肠鲜茄汤通粉配热脆牛角包嘅鲜茄汤底唔系好浓郁，火腿同香肠嘅份量都几多，通粉比较腍，口感唔系好弹牙，而牛角包嘅包质都几松软！农夫比得包嘅材料非常丰富，令卖相相当吸引，沙律菜同车厘茄好新鲜，味道亦好清甜！甜脆香蕉酥焗得一啲都唔酥脆，香蕉嘅份量亦比较少！