龍皇酒家 (世貿中心) (已結業)

近排天气热到顶唔顺，呢间酒楼冷气都啱啱好，环境都好大好舒服👍🏻，我同朋友都坐咗好耐。我地叫咗几样点心，例如烧腩仔同埋虾饺。佢呢到嘅烧腩仔真心几好食，平时屋企楼下间酒楼嘅烧腩仔一系太肥，一系层脆皮太硬，但呢间嘅就脆得黎个皮又唔会太硬，啲肉都唔会太肥。另外佢个虾饺皮都唔会太厚，啲虾食落都算新鲜，朋友都话近排好似好食咗。而且坐得耐都唔会迫你走。下次喺铜锣湾行街可以再食！