盈苑

营业中

休息中

难得有空，就约好朋友一齐嚟呢度食午餐。之前读书𠮶阵，我哋成日一齐食点心，所以就决定嚟呢度食。第一样就叫咗小笼包，系我哋最钟意嘅点心之一。小笼包非常香，咬落去，入面好多汁，好鲜甜，入面嘅肉质都好鲜嫩，好可口。之后嚟咗一道鲍鱼饺子。嫩嫩嘅外皮，加上鲜嫩多汁嘅肉质，有好丰富嘅口感。重点系上面嘅鲍鱼，非常有咬劲，一口落去，口感好正，味道都唔错。我哋仲叫咗另外一个最钟意嘅点心，就系虾饺。口感有啲似上一道嘅鲍鱼饺子，入面嘅虾肉放得满满，粒粒都好大颗，又好鲜甜。咬落去，非常有满足感。我哋仲点咗一道青瓜配海蜇，呢度嘅青瓜好酥脆，海蜇都好有口感。呢道菜配埋佢哋特制嘅酱料，简直一流！最后我哋点咗两只乳鸽，呢个乳鸽烧得好香脆，一上菜就闻到香味。外酥内嫩，我哋都觉得好好食。