Flames (黃埔天地)

营业中

休息中

香烧粟米巴马火腿蔬菜沙律朋友好喜欢，因为冇汁🤣。都系嘅，食沙律就系想健康，啲汁又高糖高脂。虽然冇汁，不过就用左最原始嘅调味--盐，去带出蔬菜嘅鲜甜，再加啲芝士粉去增加蔬菜嘅香气，仲有烧过嘅甜甜粟米，浓浓嘅巴马火腿，使沙律清爽中带点邪恶🤭，好味丫。香煎照烧汁橙鲷鱼柳鱼柳都几大旧，本身鱼柳冇乜味，照烧汁香浓嘅配搭都几衬，味道平衡。卡邦尼薄饼如果觉得呢个卡邦尼同意粉嘅卡邦尼差不多，你会好失望。呢个卡邦尼薄饼就好有惊喜，好好味。个批好够脆，个底味系茄酱，面料配大大块焗到脆嘅烟肉，当然唔少得芝士，最特别系面头啲蛋，系焗到仲有啲流心嘅鹌鹑蛋，一口咬落去，啲蛋汁喷出嚟，成手都系🤣，呢个值得试下丫。