名門私房菜

营业中

休息中

今日心情好，同个朋友仔食好啲，系湾仔揾左呢间顺德私房菜，顺德菜制作认真，味道都一流。杏汁猪肺汤，洗猪肺好花工夫，而且唔系个个识洗，系呢度就有得饮，仲有新鲜靓猪肺。个杏汁系用南北杏去磨，好香好滑，冇平时食开好似杏霜果种又甜又抢喉嘅味。原来仲有花胶，饮完仙气满满。冰镇鲍鱼，好爽好弹，一咬就开，加埋个酱汁提升鲜味，好食！酱爆黄金虾多士，一嚟到个咸蛋黄超香，里面全部都系虾，邪恶程度系十级，朋友仲话我食晒啲咸蛋黄，哈！面豉酱西生菜，有肉又有菜，虽然只系生菜，但师父都好用心去烹调，面豉酱个味恰到好处，生菜系瓦罉入面都好爽脆，冇overcook豉油鸡，个甜豉油超正，鸡入晒味，又肥美又啖啖肉。蒸鱼肠，又系一个手工菜，鱼肠冇腥味，配埋蒸蛋，口感实净，上面仲有芫荽提升香味。蛋白杏仁茶，有少少似炖蛋白，用南北杏磨汁，食到杏仁甘味。