影片
港铁湾仔站 A3 出口, 步行约4分钟
继续阅读
电话号码
28933033
25732668
营业时间
今日营业
12:00 - 15:00
17:30 - 22:30
星期一至日
12:00 - 15:00
17:30 - 22:30
以上资料只供参考，请与餐厅确认详情
相关文章
今日我同一班大學老朋友聚舊😘咁岩大家都中意食中菜，我就揀左呢間私房菜！✨貪佢好食又好坐😍🛎 順德魚茸羹 第一味出場嘅係呢碗順德魚茸羹🐟口感真係十分滑順，魚茸鮮香可口👍🏻湯頭清清地但又充滿層次感😻食落去十分暖心，好特別！🛎 青芥冰燒雞 雞絲非常嫩滑，搭配青芥醬嘅微辣～幾刺激幾過癮喎🫶🏻夠曬開胃！🍗🥬🛎 鬼馬咕嚕肉 咕嚕肉甜酸適中，肉質鮮嫩👍🏻仲搭配脆口嘅油炸鬼，真係比較少見！🍖🍍🛎 荔芋香酥鴨 好岩打卡嘅一味😳香酥鴨外皮酥脆，但內裡嘅鴨肉保持柔嫩多汁，再搭配埋荔芋嘅香甜🦆🍠越食越有驚喜！🛎 生炒臘味糯米飯 最後呢個生炒臘味糯米飯，米飯粒粒分明🍚🍖臘味香氣四溢，我忍唔住食左兩碗呀！！！🛎 生磨蛋白杏仁茶 甜品方面我地就揀左可以美白去斑又同時排毒嘅生磨蛋白杏仁茶😏煲得好滑，杏仁嘅香氣簡直係撲鼻而來！🥛🌰仲有好多好餸😋我地食到好滿足🤣下次聚會都會揀返呢到！🛎 污糟蟹椒脆米粉 🛎 麵醬啫啫龍躉球煲 🛎 蝦乾魚肚大芥菜
继续阅读
順德哥情，公司大佬特別鍾意食順德菜，月底跑到數仲會叫我哋去食好嘢，幫我哋寫好菜單，出咗糧食餐好的私房菜，可以慢慢嘆世界。名門私房菜位置方便，灣仔道旺中帶靜，主打順德菜，經驗豐富的廚師，獨特風味和烹調手工菜而聞名。杏汁燉白肺湯秋高氣爽，特別乾燥，喜歡杏汁燉白肺湯滋補功效，湯品內杏仁和豬肺，濃郁杏仁香味，潤肺止咳，飲落暖胃，喉嚨好舒服。家的食法，燉煮豬肺切成小塊軟滑，點一些豉油，簡單好味。青芥冰燒雞我第一次食青芥冰燒雞，很有驚喜！鮮嫩的雞肉和青芥醬的辛辣，即時食指大動。雞肉絲加上其他配料，成座山咁高，新年還可以撈起撈起。雞肉絲淋上青芥醬，撒上芝麻，香脆的口感，豐富菜餚，味道更佳，喜歡上冰燒雞了。順德臘香蠔豉鬆順德臘香蠔豉鬆，口感獨特，味道鮮香，美味廣東小吃。蠔豉鬆質地輕盈，口感果然酥脆，搭配臘腸和蠔豉的咸香，讓人一口接一口。臘腸的香氣與蠔豉的鮮味相得益彰，鹹香配生菜，當作下酒菜，十分誘人，味道多層次。順德煎釀鯪魚第一眼見到煎釀鯪魚就覺得係文化傳承，廣東飲食文化的一部分，傳承了技藝，多得還有老師傅。色香味俱全，外觀金黃誘人，色澤鮮亮，香氣撲鼻。新鮮食材，展現原汁原味，鯪魚肉質細膩，彈性釀餡。最吸引眼球的是工藝 ，上菜時我好奇的問一下，原來很花功夫的。將魚肉剁成魚漿，然後加入各種調味料和配料進行釀製，魚肉更加鮮香。煎鯪魚外酥內嫩，讓人回味無窮。污糟肉蟹椒香米色香味俱全，結合了新鮮鮮美的蟹肉和椒香米粉。蟹肉鮮嫩，海鮮天然甜味，鮮香四溢，一口咬下去就能感受到海的滋味。濃郁污糟蟹的香味，充滿蟹的鮮香。椒香米粉帶來微微的辣味，吸收了蟹肉和調味的精華，十分入味，口感滑嫩。油鴨肶拆肉膶香爆葱滑雞煲仔飯非常美味的廣東煲仔飯，油鴨肶和滑雞經過精心處理，肉質鮮嫩多汁，口感滑順。蔥、蒜香氣撲鼻，濃郁的油鴨肶香氣，讓人食欲大開。煲仔飯香滑的米飯，吸收了肉類的鮮香，好多人都鍾意食底部的鍋巴，香脆可口，味道不會過於油膩，膶香爆葱，絕對值得一試！蛋白杏仁茶口感滑順、香氣撲鼻的甜品，細膩柔和。
继续阅读
同同事食生日飯，約左去灣仔食一間私房菜，這間之前食過，是不錯之選，直接推介同事去這間店舖一齊食生日飯。【椒鹽豆腐】 薄薄的一層脆皮為豆腐帶來酥香口感，內層仍然非常軟滑。【順德生拆魚肉羹】第一次食的魚肉羹，非常鮮味，因為湯頭會呈奶白色，慢慢起膠及帶黏性，又滑又香。【青芥冰燒雞】燒雞更為惹味，手撕雞包括有雞絲、芋頭絲、青瓜絲、海蜇等，有少少芥辣香味，在香港不是好多地方食到，這個值得推介。【順德臘香蠔豉鬆】用上蠔豉和臘味切粒炒出香氣，配上爽脆生菜，令整體甘香美味。【鬼馬咕嚕肉】咕嚕肉炸到外脆內軟，真是唔簡單，再配埋油炸鬼一起炒，酸酸甜甜開胃無比，必試一度菜式【黃金肉蟹粉絲煲】一來到鮮味十足，調味恰到好處，肉蟹同粉絲炒得非常乾身，又不.會太多醬汁。【京蔥爆牛仔柳】味道香濃，好有獲氣，最重要牛肉軟淋適中，不會過硬，炒了京蔥仲帶點辛香，【生炒臘味糯米飯】食咁多間這間糯米飯是最出色，米粒亦不會太過黏實，容易炒鬆，粒粒分明，也帶黏糯口感。【紫米露】飯後甜品紫米露，紫米是一種有補血同抗衰老功效，味道方面甜度適中，喜歡不太甜的朋友，這個是不錯的。
继续阅读
好喜歡煎釀鯪魚 (順德菜), 立即去 名門私房菜 訂位, 服務員很貼心, 訂檯時會介紹時令菜, 又可以先落單. 這裡的餐前小食, 會預先安排, 到步即制. 酥炸茄子, 香脆可口, 小心熱.小食後, 先上 順德好出名的 , 魚肉羮材料好豐富, 湯品鮮甜無腥味, 濃濃魚香, 窩心暖胃. 每啖魚肉都好享受. 伴有西生菜. 秋日傳統懷舊菜, 臘肉臘腸加蠔豉鬆, 富貴菜式, 炒得非常香口, 用爽脆西生菜包住食, 全冇油膩感. 厚厚肥大的柚皮, 燘得好稔, 無苦味又無根, 廚師好手勢, 加上蝦子調味正又非常入味, 食得滋味. 這個特式菜, 用瓦砵盛載, 不是普通中式酒家可以做到. 魚腸好巨型, 混合雞蛋, 魚肝, 伴有陳皮薑絲去蒸焗, 魚腸無腥味, 焗得好香口.一味相當考功夫的手工菜, 不但保留了鯪魚的鮮味, 釀鯪魚無骨無腥味, 口感外脆內彈, 又照顧到愛吃鯪魚又怕多骨的客人, 人人岩食. 好有驚喜的一道菜, 第一次食油炸鬼拼黑毛豬酸甜咕嚕肉, 正呀! 黑毛豬咕嚕肉, 肉質優, 半肥瘦口感松化, 酸甜調味正, 加上油炸鬼, 和蜜味鳳梨, 烹調技術不俗, 吃得好有層次感, 好滿意. 巨型肉蟹有份量, 好吸睛. 色香味俱全!!蟹肉厚結實又爽口. 薑蔥蒜蓉嘅香味滲透全只蟹, 味道濃郁惹味. 粉絲滑口, 炒得好幹身. 蟹鉗夠巨形多肉, 鮮甜好食. 擺碟好得體. 做得非常出色, 一口咬落去外層鬆脆, 芋蓉稠密濕潤, 再加上厚厚鴨肉, 吃得十分滿意. 好鑊氣. 用瓦煲保持熱度. 唐生菜嫩綠好食, 配蝦干, 枸子, 椒絲足料.. 糯米飯粒粒晶瑩飽滿, 柔韌軟熟, 臘味芳香濃郁, 毫不油膩, 好 食到要添飯. 飯後甜品, [紫米露], 養生滋潤, 口感順滑. 店長好友善, 賓至如歸, 大家開心.
继续阅读
我們喜歡私房菜, 因為可以食到有廚藝的手工菜, 無味精, 食材貨真價實. 服務員招呼貼心, 水滾茶靚, 大家飲茶閒聊, 地方好理想. 前菜兩小碟, 一同送上, 有好實際的美味. 皮蛋酸薑 ~ 糖心皮蛋味道香濃, 酸薑夠爽脆. 脆豆腐 ~ 香口惹味 . 一會兒送上 杏汁燉白肺湯, 熱熱的, 火喉夠, 湯燉得清香, 入口杏汁味美甜濃, 潤肺之寶.湯料足, 豬肺, 白果, 瑤柱, 雞肉, 瘦肉, 雲腿, 杏汁. 用料正. 青芥冰燒雞 ~ 手撕燒雞, 肉質幼滑有雞味, 伴上脆芋絲混合青芥醬, 口感獨特, 吃得滿意. 順德臘香蠔豉鬆 ~ 臘肉臘腸蠔豉鬆, 加上冬菇, 馬蹄, 洋蔥粒炒香, 同生菜送上. 生菜包裹了臘香蠔豉鬆, 內餡軟嫩甘香, 生菜爽口, 吃得好有層次感.順德煎釀鯪魚 ~ 順德經典名菜, 魚肉和魚骨拆出, 留下完整魚頭, 魚尾和皮囊, 師傅刀工手藝好, 鯪魚肉味道鮮美, 肉質嫩滑. 口感非常好. 黃金肉蟹粉絲煲 ~ 用鐵鍋盛載, 熱騰騰上臺, 紅卜卜, 蟹香撲鼻. 先取蟹蓋, 蟹蓋蟹膏甘香滑溜. 蟹肉鮮嫩多汁, 柔嫩粉白, 肉質爽口. 蟹鉗巨形多肉, 味道濃郁, 粉絲炒得好幹身好滑口. 粉絲吸入了蟹同瑤柱味, 一流好食. 大家慢慢食, 細細品嘗. 荔芋香酥鴨 ~ 經典懷舊菜, 做得出色. 賣相吸引.上層的芋蓉香滑綿糯, 炸得酥脆, 底層鴨肉已去骨, 鴨肉軟嫩可口. 京蔥爆牛仔柳 ~ 用鐵鍋盛載, 保持溫度. 牛仔柳嫩滑, 蔥香濃郁, 有鑊氣, 好惹味. 蝦乾魚肚浸大芥菜煲 ~ 簡單家常菜, 烹調得非常好. 蝦乾魚肚鮮甜味美, 大芥菜爽嫩. 健康之選, 油鴨肶拆肉膶香爆葱滑雞煲仔飯 ~ 秋風起食臘味, 店長介紹這個煲仔飯令我們吃得開心, 既有時令拆肉油鴨肶, 膶腸, 還有滑雞, 這個煲仔飯煮得巧手. 又香又暖胃. 生磨蛋白杏仁茶 ~ 好清甜, 潤肺養顏, 杏仁味香濃, 水準出色, 好滿意. 食材和烹調質素優越, 師傅廚藝好, 服務員招呼週到, 值得再臨 !!
继续阅读