天空虎嘯

营业中

休息中

一群朋友约我周末出嚟食餐饭，其中一位朋友话想食海鲜，然后又有朋友话想食日本菜，为咗两全其美，我哋就揾咗呢间「天空虎啸」，系日式主题餐厅，仲系主打海鲜，就可以畀两位朋友都食得开心喇。呢度装潢摆设都好日式风格，畀人一种高档感觉，啲嘢摆得好靓。然后呢度嘅套餐系按人头计，但系啲嘢食都系啲高级嘢。【刺身头盘】有好多款海鲜刺身可以试，冇一样伏，全部都好食。【阿拉斯加长脚蟹】平时实食唔到咁新鲜又咁靓嘅蟹，味道同肉质同平时食开嘅普通蟹真系唔同晒。【鲜北海道北寄贝】好大只，一啖食落去，成口都系贝肉，好鲜。【龙虾汤蒸蛋配蟹肉】好有特色，龙虾汤特有嘅鲜香令到蒸蛋好入味，仲有蟹肉做配料。【苏格兰刺身带子】肉质好鲜嫩，配埋海草同西京面豉，别有一番风味。【日式京葱酱油配本地鸡】攞嚟蒸熟之后，鸡肉好juicy，肉质唔会鞋，好嫩，酱汁配搭都好入味。【士多啤梨芝士蛋糕】食完饭食呢个甜品都唔会觉得滞，味道唔会太甜，味道啱啱好。呢度真系好啱同朋友嚟享受吓，环境真系好好。