初味

营业中

休息中

今晚约咗一位由外国返嚟香港渡假嘅好朋友，大家好多年无见一定有好多嘢倾所以决定揾一间坐得舒服环境又静嘅餐厅慢慢摸下杯底同事就介绍我嚟初味试试啦本人就有选择困难症谂咗好耐决定问下侍应哥哥食咩好，侍应就推介我Order炸软壳蟹青瓜蟹籽沙律、顶级烧肉眼、生蚝一打同埋开咗一枝白酒 🌟烧肉眼 - 我哋就拣咗Medium，肉眼质地鲜嫩之余仲保留咗丰富嘅肉汁，烧得刚刚好。伴碟嘅沙律可以鲜腻，微酸嘅沙律醋汁好醒胃，令人食欲大增！🌟生蚝 - 食落劲新鲜兼无令人反感嘅腥味！柔和海水味，入口鲜甜细腻而富有层次感，配上侍应推介嘅白酒实在非常完美🌟炸软壳蟹青瓜蟹籽沙律 - 软壳蟹好大只！外表炸得好松脆，蟹身保留咗好多蟹肉！沙律酱汁酸酸甜甜，食几多只软壳蟹都唔会觉得腻呀 环境都算清静，座位都舒适，摸下酒杯不经不觉都坐到餐厅接近打烊嘅时间，但侍应都无做任何「小动作」去提示你要埋单不过我哋都唔想阻人收工，所以都快快清碟，埋单走人啦