聚點 (已結業)

今日同完几个朋友系尖沙咀睇完戏就去揾野食。行下行下去到河内道见到有好多酒吧，但听日要返工，我地就拣左呢间中菜馆去食晚餐，出面贴左好多menu，价钱好合理，又多选择。入面就好光猛，坐得都算几舒服。我地叫左六个主菜，好快例汤就上左先，饮得出系真材实料，无味精嘅感觉。半只聚香鸡连埋三个酱汁就上枱，只鸡好滑，半只都好够分量，加埋个汁就更加好。金沙鲜鱿上枱果时我地都哗左出声，好大碟，同埋好金黄。热辣辣咁食好正。之后就到柚子骨啦，开头以为系橙橙地色，不过原来偏红色多啲。食落好香柚子味，啲骨都好肉食。好快青芥末牛柳粒都嚟到啦，真系好青色好大碟，呢碟好啱钟意食wasabi嘅朋友，食完好醒神。锦江海鲜豆腐煲同鱼香茄子煲就最后上埋枱，两个煲都热辣辣，香到格离枱都闻到，份量都好大，好香口，送饭一流。所以最后我地加左伪鲜虾福建炒饭，好多虾，四个人都分到碗半两碗，捞埋啲𩠌食好正！咁样食完一个人都系百七蚊倒，系尖沙咀有咁嘅质素，份量同价钱，真系无得输！推荐大家嚟试下！