AnyMomentCafé

营业中

休息中

依间楼上cafe有种隐世嘅感觉，因为幢大厦嘅入口系起后巷入面。餐厅俾人嘅感觉好温馨，尤其系因为老板好friendly，会主动同客人倾下计。另外cafe仲提供咗好多款board game俾客人玩，可以话系总有一款啱你，老板亦唔会话一见你食完野就想你快d走咁，一班人约嚟依边食完野再玩就啱晒la。芝士薯条份量都几多，虽然冇拉丝嘅效果，但系个酱好好食，似系芝士再加千岛酱嘅感觉，唔会话好易腻。蜜糖鸡翼食落口超级热，应该系即叫即整，鸡翼有炸过嘅感觉，加埋蜜糖，令人有种停唔到口嘅感觉。咖哩安格斯牛柳粒螺丝粉老板特别提我地牛柳粒要衬热食，如果唔系会变硬唔好食。我同朋友都感觉份碟意粉份量大得嚟又好食。拿破仑肉酱烟鸭胸意粉佢依边嘅主食份量都好大，无论烟鸭胸定意粉嘅份量都好多，肉食得出有唔少蕃茄粒，性价比好高。水蜜桃梳打唔会死甜，饮到有好多果肉，几好饮。朱古力特饮好浓朱古力味，朱古力迷必点。