里木

营业中

休息中

特别适合庆祝节日嘅日本Omakase餐厅，死党同屋企人如果有咩值得庆祝，我都会带佢哋去里木，享受高档嘅美食。今年夏季菜单主题系海胆，当然仲有其他高级食材配搭，开胃菜肯定可以唤醒沉睡嘅胃。日本蚝同鱼子酱一齐，肥美多汁嘅日本三倍体蚝，肉质鲜美，被誉为"海之玄米"，同贝加尔湖嘅鲟鱼子酱，咁丰富嘅口感组合，依然各自绽放色彩。接著系壳付原只海胆，必食，肉质肥美鲜嫩，入口即化，必不可错过。一道爱知县白象拔蚌同北海道粒贝配冲绳水云，你就知道呢餐好值得。名古屋嘅名产白见贝又叫象拔蚌，含住最新鲜嘅海水味，口感爽脆俐落，非常鲜甜。洒上柚子皮嘅北海道粒贝摆喺高杯中就好似一尊高级艺术品，肉质幼嫩，食落去清爽弹牙。再食下一道之前，先食冲绳特产水云又叫海草，主要为咗去掉遗留喺口腔嘅味道，并迎接下一道松叶蟹鸡汤配海胆嘅到来。新食法解锁亦系好好嘅体验，带来咗好大嘅惊喜。鸡骨熬制而成嘅高汤配上日本松叶蟹肉，再加上鲜甜嘅海胆，根本就系一场盛宴。最后点名岩手县市石垣贝寿司，口感厚实，入口带点脆之余亦滑嫩，最重要嘅系好新鲜。