譚仔三哥米線 (海禧華庭)

营业中

休息中

机场 20:00 先收工，返到上水成九点三，左兜右兜唔知食咩好，见未试过上水新开既谭仔，就黎一探究竟。收十点，临收工小猫三四只，地方好宽敞㖞，枱櫈密度不高，都坐得舒服。发现间间谭仔都有少少分别，依间居然推出斋米线㖞，好明显间间谭仔唔同老板系特约经销啦。咁就 $73 蚊，都几贵呢！食碗车仔面抵食好多，一定大碗到食唔晒。蒜泥白肉，上次系大埔试，但太醉试唔真，食多次先得。同大埔食一样，腍而不脆，跟五花腩无异，生蒜够香够味，味道满意，只系太油。谭仔酸辣鱼腐竹笙鸡肉扭纹薯粉大辣走芽菜！哗，咩黎架？卖相唔多掂㖞，就算您大兜乱、百鸟归巢一镬熟都唔紧要，倒出黎后都要执返靓先得架。车仔面个卖相好您百倍呀，有无咁求其呀！韮菜腐竹都系送既，点解无肉酱既？唔系送架咩？韮菜无渣带甜，合格。无味雪藏鞋鸡肉，失败。鱼腐有弹性，里面滑溜又索汁，只系咸左少少啫。竹笙啊！食辣必备之选，吸引辣汁精华，辣度提升几倍，带著大量汤汁入口，够刺激够好味！汤底辣度够浓，食到尾声时有点冒汗了。红薯粉碎上，讨厌！last call 赶收工啫，比啲咁差劣既出品我食，卖相可怕，红薯粉碎晒都晒出，过份呀！虽然味道系满意既。