影片
更多
2012-06-18
93 浏览
琴日同左daddy去到沙田帝玉庭同佢庆祝父亲节，其实好耐都未试过一家人一齐食饭喇，所以我地呢日都系新城市广场shopping完跟住就去附近既帝玉庭食小菜。daddy都系较传统钟意食中菜既，所以我地一早book左帝玉庭，谂住行完街就可以食。到7点钟左右，唔使等，我地一去到餐厅经理就问我地book枱既资料，之后佢好快咁安排左我地入座喇。我地叫左个鱼汤，有川芎同白芷系入面，有好香既鱼味，daddy话川芎同白芷有补血作用，专登叫俾我地饮架，好开心呀。我地一家人都好钟意食鱼既，鱼汤之后，见个menu有"鱼别不同"，好奇之下点左呢道菜，睇下点样唔同法。个貌相整到好似条鱼咁，有一半系炸既，一半冇炸到既，我见到已经流哂口水，因为炸o个d鱼好香，而且冇咩骨。我地又叫左碟小炒，有唔同既豆，有粟米、红椒、猪肉咁，最岩就拎黎捞饭，我地一人一羹就好快食哂喇，细佬仲一定要食个脆脆，佢话炸得好松脆，好受欢迎~~我之前食过客家炆豆腐好多油而且好咸，我对呢d重口味既菜色都一向麻麻，但我daddy就钟意食，我见今日爸爸day就就下佢食一次，豆腐入面有一d猪肉、香葱，食落去都几好味，同我之前食既感觉唔同，可能呢度d味道较淡
琴日同左daddy去到沙田帝玉庭同佢庆祝父亲节，其实好耐都未试过一家人一齐食饭喇，所以我地呢日都系新城市广场shopping完跟住就去附近既帝玉庭食小菜。
daddy都系较传统钟意食中菜既，所以我地一早book左帝玉庭，谂住行完街就可以食。到7点钟左右，唔使等，我地一去到餐厅经理就问我地book枱既资料，之后佢好快咁安排左我地入座喇。
我地叫左个鱼汤，有川芎同白芷系入面，有好香既鱼味，daddy话川芎同白芷有补血作用，专登叫俾我地饮架，好开心呀。
我地一家人都好钟意食鱼既，鱼汤之后，见个menu有"鱼别不同"，好奇之下点左呢道菜，睇下点样唔同法。个貌相整到好似条鱼咁，有一半系炸既，一半冇炸到既，我见到已经流哂口水，因为炸o个d鱼好香，而且冇咩骨。
我地又叫左碟小炒，有唔同既豆，有粟米、红椒、猪肉咁，最岩就拎黎捞饭，我地一人一羹就好快食哂喇，细佬仲一定要食个脆脆，佢话炸得好松脆，好受欢迎~~
我之前食过客家炆豆腐好多油而且好咸，我对呢d重口味既菜色都一向麻麻，但我daddy就钟意食，我见今日爸爸day就就下佢食一次，豆腐入面有一d猪肉、香葱，食落去都几好味，同我之前食既感觉唔同，可能呢度d味道较淡，连埋d汁食都几juicy，下次可以再试。
我地一人一个鲍汁荷叶饭，味道好香浓，而且有好多料，虾仁、鸡粒、冬菇..........加埋d鲍汁，食完之后d味道仲留系口入面，好满足。
呢餐饭真系好开心呀，daddy都话呢度d食物唔错，得闲可以再试下其他菜式，而我就觉得呢度好适合一家人既聚会，俾人好热闹既感觉。张贴
