影片
更多
2005-10-20
51 浏览
大食老友刚做过眼手术，变左独眼龙，依家终于久休复出，就同佢黎食餐好o既补番下。七点半收工后，赶至中环会面，见独眼龙已经除左个眼罩，不过就要瞇住眼做人，因为瞪大眼个伤口都仲会痛。行去餐厅途中，老友话我知佢因为食得太补，只眼o既伤口可能生左个肉唇，如果再大D，可能要做多次手术‧‧‧近八点黎到，只得三几台客，环境如旧地清静舒适。由于老友有伤口，我又有少少作感冒，所以两个人都冇饮酒，只系叫左支有气矿泉水。老友一打开餐牌，就浑忘肉唇事宜，双眼放光地叫住要饮oyster chowder、食羊脾云云。由于佢早轮已有胆固醇超标o既纪录，我唔俾佢叫太多，结果两个女仔叫左oyster chowder、华多夫沙律、煎鱼、烧羊肉同一份board menu o既甜品(almond shortcake w/ strawberries)。落完单，侍应生先serve面包篮，我地要左意大利洋葱软包同蕃茄包。前者好香洋葱味，虽然未够松软同冇橄榄油醋，但都几好味。个蕃茄包反而比较逊色，有色冇味，唔系几掂。汤到，老友即时「不」起一旧蚝，好大方咁请我食，点知原来果粒系成碗汤硕果仅存o既一粒，我一听见，梗系「禽禽青」吞左佢啦，哈
近八点黎到，只得三几台客，环境如旧地清静舒适。由于老友有伤口，我又有少少作感冒，所以两个人都冇饮酒，只系叫左支有气矿泉水。老友一打开餐牌，就浑忘肉唇事宜，双眼放光地叫住要饮oyster chowder、食羊脾云云。由于佢早轮已有胆固醇超标o既纪录，我唔俾佢叫太多，结果两个女仔叫左oyster chowder、华多夫沙律、煎鱼、烧羊肉同一份board menu o既甜品(almond shortcake w/ strawberries)。
落完单，侍应生先serve面包篮，我地要左意大利洋葱软包同蕃茄包。前者好香洋葱味，虽然未够松软同冇橄榄油醋，但都几好味。个蕃茄包反而比较逊色，有色冇味，唔系几掂。汤到，老友即时「不」起一旧蚝，好大方咁请我食，点知原来果粒系成碗汤硕果仅存o既一粒，我一听见，梗系「禽禽青」吞左佢啦，哈哈！个汤o既味道其实几似罐头货色，唔系太够香浓，不过味道亦唔差﹝罐头汤都唔难饮架！﹞。沙律送到，碟头细细，作为前菜份量系刚刚好。大食老友对呢D「冇咩肉食」o既野当然完全冇兴趣啦！系俾我逼住至食左两条苹果同芹菜，真系激死！两道主菜o既味道都唔错，鱼皮煎得香脆，鱼肉亦新鲜冇腥味，不过调味方面就略为咸左D。个烧羊肉切成薄片，配薄荷喱绝对系对味之极，完全唔膻，不过亦唔系好有羊味，而且我觉得熟左D。食羊都系羊架好！
甜品系落左好多杏仁粒o既脆饼，中间夹左几片士多啤梨，再淋上好多冇咩味o既吉士酱汁。其实个脆饼真系食倒好多杏仁啦架，不过又食唔倒杏仁味㖞，真系好吊诡，而且食落好似D健康纤麦饼，大食老友当然不感兴趣啦！
整体而言，呢度o既食物水准只系一般，胜在地方企理好坐，服务亦唔错咁啦！两个人一路食一路倾，吐下苦水，讲下近况，唔经唔觉都成十点几。食饱饱，独眼龙又有新主意─今次系去做脚底按摩，哈哈！见佢闷左咁耐，惟有拾命陪君子，搭迟一班船番坪洲啦！
张贴