龍皇酒家 (世貿中心) (已結業)

全team同细佬庆生，佢话想饮茶。有谂过去富豪金殿，但担心轩尼诗道被占领突然有变化令大家返唔到公司，所以拣咗就近世贸中心嘅龙皇。近年帜哥越开越多分店，无论新旧舖，基本上每间店我都去过。味道是好，但味精亦落得颇重手，要睇下彩数同是日身体状态 返咗半日工，一入去对住无敌海景，成个人即刻醒神哂。生日点都要有翅的，于是叫咗个龙皇午宴C餐，4个人啱啱好。个餐得7样嘢，加咗个点心，用指定信用卡再有甜品送，结果凑合成八、九样，攞个意头🍀沙巴海虾饺食落除咗弹啲同普通虾冇分别又冇乜鲜甜味，饺皮虽冇13折显得略粗糙松散，但仍算皮薄馅靓味道佳。 红烧竹笙海皇翅浓咸、芡厚薄适中，仍略有金华火腿的咸香味，当然唔期望有好多翅。沙溪烧米鸭烧来皮脆肉偏粉红，鸭味较一般烧鸭浓又多肉唔多肥膏，应该系米鸭唔系一般淡味谷鸭 XO酱饍皇胶即西芹炒花胶，带咸微辣不错。精选海上鲜系炆海鱼煲，有3-4款包括斑、鲈鱼等，有嚿红色皮嘅肉好滑又有鱼鲜，不过唔知咩种。自选小菜拣咗时菓咕噜肉，炸粉浆够薄而肉肥瘦得宜，咬落有肉汁，甜酸酱调较冇过酸，呢个𩠌反而睇到厨师功力👍龙皇炒饭粒粒分明唔油腻又咸香，除咗最后加嘅炸瑶柱丝添加食味、矜贵感及作