皇茶冰室 (已結業)

带细女落沙咀道睇队友比赛，睇完一场话肚仔饿，咁就带佢去附近揾嘢食，见到呢间写住招牌沙嗲牛肉面，就入去试一试。先嚟咗个北海道36牛乳炒滑蛋，配牛油厚多，讲真个滑蛋炒得过咗火有啲老。至于招牌沙嗲牛肉面就一般，唔太差亦唔见得好想再翻食，应该系个沙嗲汁唔够多，啲牛肉就冇想像中咁好，可能我对沙嗲牛比较严谨嘅关系。餐饮叫咗热好立克，反而呢杯热好立克系重点，我觉得非常好饮，好立克粉够晒多，但又唔会太甜，有啲餐厅冲到好难饮，但呢度嘅好立克系非常出色。皇茶冰室餐牌店内装修简约，大大个KING CAFE几抢眼，座位亦算坐得舒服，整体环境清洁干净，店员招呼亦不错。