影片
更多
2013-07-01
494 浏览
今日老公仔生日，星期日周围都多人，最后见门口menu好吸引，就拣左呢间。入面气氛几好，大家都好enjoy，比左张4人枱我地，望住假壁炉，相当悠闲，好舒服。首先黎左个劲正嘅波士顿龙虾沙律，沙律劲fresh，以火龙果做尾巴，成只小龙虾砌返出黎，净系感觉已经赢哂。之后有我最kai但最钟意嘅暖暖面包，仲可以免费添，waiter服务劲好，劲似上邮轮食西餐咁。头盘系老公favourite嘅煎鹅肝，老公食到停唔到口，连唔食鹅肝嘅我都觉得几好，入口即溶，好香口，但份量真系小左d，但好食啰。之后到我最爱嘅田螺，反而有d失望，田螺入面比较多水，薯蓉唔够香，要求唔高嘅话都ok嘅。主菜系和牛，叫左6成，薯条无点食(因为2个都好热气xD)，但和牛ok嘅，我觉得只汁同芥末捞埋，都几好食，但老公厌入口唔够溶，唔够肥美，而我反而钟意比较实嘅感觉，唔肥，但唔韧。另一个系三文鱼墨汁意粉，反而喜出望外，唔食墨鱼汁嘅我都觉得几好食，更自创捞埋只和牛汁食，更正，可以试下。去到甜品，系心太软+云呢拿雪糕，一冷一热，好正。蛋糕好软，入面d朱古力慢慢流出，老公话系食过咁多间，呢间水准都名列前茅。到焦糖炖蛋，好食，但唔食得太甜野嘅人记
首先黎左个劲正嘅波士顿龙虾沙律，沙律劲fresh，以火龙果做尾巴，成只小龙虾砌返出黎，净系感觉已经赢哂。
之后有我最kai但最钟意嘅暖暖面包，仲可以免费添，waiter服务劲好，劲似上邮轮食西餐咁。
头盘系老公favourite嘅煎鹅肝，老公食到停唔到口，连唔食鹅肝嘅我都觉得几好，入口即溶，好香口，但份量真系小左d，但好食啰。之后到我最爱嘅田螺，反而有d失望，田螺入面比较多水，薯蓉唔够香，要求唔高嘅话都ok嘅。
主菜系和牛，叫左6成，薯条无点食(因为2个都好热气xD)，但和牛ok嘅，我觉得只汁同芥末捞埋，都几好食，但老公厌入口唔够溶，唔够肥美，而我反而钟意比较实嘅感觉，唔肥，但唔韧。另一个系三文鱼墨汁意粉，反而喜出望外，唔食墨鱼汁嘅我都觉得几好食，更自创捞埋只和牛汁食，更正，可以试下。
去到甜品，系心太软+云呢拿雪糕，一冷一热，好正。蛋糕好软，入面d朱古力慢慢流出，老公话系食过咁多间，呢间水准都名列前茅。到焦糖炖蛋，好食，但唔食得太甜野嘅人记住拎走面头嘅糖浆！！如果唔系，真系甜到呕(因我地2个都劲怕太甜)，但拎走后d蛋好滑，好好食！
最后叫左一热一冻朱古力，但有d后悔，因为……食完心太软嘅浓郁朱古力后，已经再饮咩朱古力都无味(囧)，所以叫野饮时要留神呀！
整体黎讲，我地叫左个set，988加1，total埋单$1100，已经系当日做紧promote，本身呢个全menu最贵嘅经典2人餐应该系1488，但waiter嘅服务+每碟菜上前会换餐具、食完先上下一道菜，可以慢慢食、倾下计，帮你睇你食到咩进度，再预时间煮，你食完后，5-10分钟左右就有下一道菜上，超舒服+典型法国菜。不过食到后面，真系愈食愈甜，同埋11点关门，我地9点入去，食到后面有d赶，但服务生无点样，只系我地唔好意思阻人收工
所以，下次会再去，但依咁大个set同法国菜嘅进度，建议预早3个钟，姐系最好8点前开始食了，慢慢叹，倾下计，不失为一个浪漫嘅晚上。
老公，生日快乐 ^^
张贴
