十和田總本店

营业中

休息中

小朋友开始返全日，想同老公撑枱脚，又想坐得舒服，就决定去十和田总本店食。最重要系价钱唔贵，又够饱。用 QR code 自己落单，十分方便！老公叫咗个「午市寿司套餐」，总共有11件寿司，有刺生寿司，都有熟食寿司，最特别嘅系寿司本身有味，唔洗加豉油食就ok！寿司套餐仲有个面豉汤，食完寿司饮埋个汤，估唔到又刚刚好够饱。我自己就叫咗「唐扬炸鸡汤乌冬」，炸鸡热辣辣又够脆，配沙律酱一流，再食乌冬就唔会觉得好「漏」。我个乌冬套餐前菜跟两件三文鱼寿司，好味！食日本菜一定要叹茶，饮杯热辣辣嘅抹茶，好舒服呀！餐厅环境好舒服，同老公慢慢坐，倾下计好鬼正。餐厅喺金马伦道，门口好易认！下次会再带埋仔女嚟食。