緣聚鮮鍋 (已結業)

今次朋友仔订咗位置好方便嘅呢间放题店聚一聚！都系𠮶句各自钟意食乜就攞乜够哂爽皮！不得不承认赞呢度嘅选择真系超级多😜由冷盘、甜品、火锅配料、刺身、寿司、炸物、汽水啤酒等等等等等等等等……真心一口气数唔哂🤭等Be同大家分享吓个人心水有乜必食推介！⭐火锅用特级牛肉！真系要怒点！肉质好ok！有牛味兼花纹靓！我哋起码每人啪咗六碟以上！⭐三文鱼刺身！咁价钱嘅放题嚟讲有厚切鱼生真系算唔错！⭐炸蕃薯麻薯波波！烟韧又好味！⭐火锅用鸭血！配埋叫咗嘅辣汤底好衬！⭐火锅料嘅沙白蚬＆蚝肉！都够新鲜又冇沙唔腥！⭐芒果布甸！好浓郁香芒味又够滑！好快俾人拎清光！⭐火锅用芋香鸳鸯薯＆火锅麻薯！简直系打边炉版嘅芋圆＆汤圆！！真心大爱encore咗几次！. 当然一分钱一分货…食物质素唔可以咁高要求…但真心性价比高👏👏一班家人朋友聚餐可以考虑吓嚟嘻嘻哈哈食番餐！