新竹園軒

营业中

休息中

𠮶日我阿妈嘅远嫁表姐返咗嚟香港，我妈就book咗呢度同佢一齐食晚餐。自从我开咗工，我好耐冇同阿妈一齐嚟新竹园轩食嘢啦，所以𠮶晚就凑热闹一齐食。我哋点咗佢哋几道招牌菜，特别系红烧乳鸽皇同埋招牌小炒皇。 佢哋烧嘅乳鸽皇可以话系我食过最好食嘅， 外皮脆脆，但系肉质好juicy，而且仲食到肉原本嘅味道。佢哋嘅招牌小皇炒睇落去就好吸引我，里边有虾，有江鱼仔，肉丝等等，所以颜色非常鲜艳。里边嘅料全部搭配到超好食，超送饭。接落嚟就系我从以前到依家都钟意食嘅蜜椒鸡翼同埋黑椒脆薯牛柳粒，味道冇变过。蜜椒鸡翼嘅味道仲系一样甜甜嘅，最钟意佢哋炸到鸡翼外脆内嫩，好食😋 黑椒脆薯牛柳份量十足，黑椒嘅味道好香，而且牛肉柳的口感唔会好难咬，唔会惊老人家食唔到。仲有我特别记得佢哋嘅秘制榄角骨嘅味道，无知如何形容，但系系好食嘅。食入口嘅口感唔错，肉搭配豆豉同芝麻味好香，好入味。椒盐鲜鱿须就一定唔使讲，酥酥脆脆，椒盐调味都啱啱好，佢哋知我钟意食就卑晒我食😆 做细𠮶个真系好，哈哈哈！