三和茶餐廳

营业中

休息中

早排行完狮子山落到去乐富，惊觉又系另一个黄店沙漠🥺，喺冇咩选择之下，最后拣咗三和茶餐厅。呢间究竟系真黄定伪黄，其实一直有争议，有人话老板娘系政协，所以伞运时呢间系蓝店，不过更加多人指出而家系由佢个好黄嘅仔打骰，所以已经转做黄店。想食下午茶，拎张 menu 一看，全部都系好大路嘅食物，提唔起兴趣，最后喺右下角见到一格写住 “部队锅芝士辛辣面”，总算有啲特别，于是二话不说就叫咗呢个。一上枱，真心笑咗出嚟：咪就系一碗辛辣面，上面有香肠，火腿，午餐肉，太阳蛋同埋一块芝士咁啰🤣，根本同部队锅扯唔上任何关系。不过咁，都要讲句公道说话，其实呢碗嘢唔算差，起码肠仔煎得够香，个面煮得算弹牙，太阳蛋又几靓仔，唯一系块芝士，如果稍为整热佢，溶溶哋，应该会好好多。