影片
更多
2014-03-25
3715 浏览
有日lunch行过敬运工业大厦，见到后门大门贴上一大张Poster，我咪走埋去望吓系咩来啦，原来系一张大Menu，当时只有谂，系呢头２楼开西日餐厅又唔系平？边个帮衬呀？结果大半年后，终于到我有机会去试下，我地几个同事就拣呢间餐厅同２大人物食生日饭。当日我地极之准时到达，踏入店前才知原来呢到咁大，环境的确唔错，装潢简约得来有格调，餐台餐椅都以木为材料，墙上有黑板都用粉笔把餐单写在上面，中间放满圆枱位，近窗位置系长高枱，最埋边近墙位有几张大长枱梳化位与长木櫈，楼底算高，虽然人多，但一点都唔觉嘈，唔错！呢到系有加一嘅，即管看看服务如何，厨房系开放式的，我系几钟意开放式厨房可以睇到里面情况，楼面就只有一个服务员带位，另外见所有传菜员都系猛男，仲几玩得倾得吓，还会简点介绍食物，态度都几好！呢餐我地５人各拣选想食的大家Share，慢慢睇拣完野食１５分钟后先有得食，话本好食其实都唔算，不过食物与价钱都算成正比，虽然有Ｄ有感失望，但服务好已经加分，当然我地系食得几开心嘅，且看看下次几时再有机会再来咯！以下是我地拣选的：﹣① 马基雅杜加倍特浓咖啡 ($32)② 青提子, 菠萝, 荷兰芹汁 ($26)③
结果大半年后，终于到我有机会去试下，我地几个同事就拣呢间餐厅同２大人物食生日饭。
当日我地极之准时到达，踏入店前才知原来呢到咁大，环境的确唔错，装潢简约得来有格调，餐台餐椅都以木为材料，墙上有黑板都用粉笔把餐单写在上面，中间放满圆枱位，近窗位置系长高枱，最埋边近墙位有几张大长枱梳化位与长木櫈，楼底算高，虽然人多，但一点都唔觉嘈，唔错！
呢到系有加一嘅，即管看看服务如何，厨房系开放式的，我系几钟意开放式厨房可以睇到里面情况，楼面就只有一个服务员带位，另外见所有传菜员都系猛男，仲几玩得倾得吓，还会简点介绍食物，态度都几好！
呢餐我地５人各拣选想食的大家Share，慢慢睇拣完野食１５分钟后先有得食，话本好食其实都唔算，不过食物与价钱都算成正比，虽然有Ｄ有感失望，但服务好已经加分，当然我地系食得几开心嘅，且看看下次几时再有机会再来咯！
以下是我地拣选的：﹣
① 马基雅杜加倍特浓咖啡 ($32)
② 青提子, 菠萝, 荷兰芹汁 ($26)
③ 鲜奶咖啡 ($38)
④ 焗日式猪扒乌冬 ($58)
⑤ 日式海胆炒饭 ($62)
⑥ 招牌拉面 ($68)
⑦ 日式蕃茄沙律 ($48)
⑧ 吞拿鱼寿司 ($30)
⑨ 油甘鱼寿司 ($38)
⑩ 三文鱼寿司 ($24)
⑪ 剑鱼寿司 ($32)
⑫ 甜虾寿司 ($48)
合计：$475
10% Service Charge Total = $529
我的＜马基雅杜加倍特浓咖啡＞率先来到，细细杯，顶层有厚厚嘅cream同少少朱古力粉，咖啡极之香浓，好饮！！
跟住到阿头的＜青提子, 菠萝, 荷兰芹汁＞，清绿色感觉好叶绿素，都几清新，味道清甜，咁几款沟埋一齐就分唔出系点喇，香芹味就比较出。
附送＜蔬菜汤＞比我地全枱㖞，似罗宋汤沟忌廉汤，都几浓郁好味㖞。
以铁板上枱嘅＜焗日式猪扒乌冬＞热辣辣，一层厚厚的茄汁，乌冬一般，猪扒唔韧都几Juice，都算唔错。
＜日式海胆炒饭＞同样以铁板上枱，里面有虾、八爪鱼粒同蟹柳，面层有紫菜条，都见到海胆嘅，系少咗Ｄ，炒饭偏湿，味道都还可以。
白雪雪汤底嘅＜招牌拉面＞来到，猪骨汤底几浓，材料有几片见叉烧、菇、半只蛋、荷兰豆及荀，拉面算弹牙唔淋，呢个唔错。
到我嘅＜日式蕃茄沙律＞，一眼望落去时系有Ｄ失望嘅，卖相唔多靓仔，只得几旧蕃茄，虽然其他蔬菜系新鲜爽脆嘅，但份量都觉偏少。
最后到几款＜寿司＞一次过上枱，寿司饭都几好，粘度适中，各类鱼生都好新鲜又鲜甜，冇失望。
张贴
