影片
更多
2024-03-10
345 浏览
难得放假同妈妈出街饮茶，就试下新地方，见佢中午时间都几多人嚟饮茶同食晏昼。 招牌虾饺皇虾饺都几大粒而且食落爽口，每只虾饺都用咗莲藕片/红萝卜片垫底，几有心思。 鲜百合带子肠粉平时食虾肠、叉烧肠就食得多，见到有特别款式就一定要试下。酒楼用上细粒带子，虽然细粒但食落有鲜味又唔会过熟太韧，带子再配上软绵微甜的鲜百合，估唔到都几夹。 露荀竹笙饺呢个又系见到特别又叫嚟试下，食到露荀同竹笙嘅脆嫩爽口，调味又刚好！ 西米焗布甸呢个系妈妈想食，佢话好耐都无食而我就系第一次食😆见到表面一层有薄薄嘅莲蓉，入面就有西米、吉士、莲蓉馅，食落唔算甜。 干炒牛河牛河炒得色泽均匀，牛肉唔会用粉”那”得好劲，仲保留到牛肉口感，整体都唔错。 红烧鸡丝翅知道呢度出名食翅，见到隔离枱都专登叫碗翅食，所以拣咗个鸡丝翅平平地试下😆鸡丝翅好足料，啖啖都系翅，汤底闻落香气十足之余食落仲好浓郁又胶质满满。 差唔多食完时，侍应会问你食唔食糖水，原来糖水系送嘅。当日有陈皮红豆沙同南瓜雪耳露。两个糖水唔会好甜，红豆沙陈皮味好香，南瓜露够清爽。 📍 新竹园轩 (尖沙咀)尖沙咀漆咸道南79号中国五矿大厦3楼
招牌虾饺皇
虾饺都几大粒而且食落爽口，每只虾饺都用咗莲藕片/红萝卜片垫底，几有心思。
鲜百合带子肠粉
平时食虾肠、叉烧肠就食得多，见到有特别款式就一定要试下。酒楼用上细粒带子，虽然细粒但食落有鲜味又唔会过熟太韧，带子再配上软绵微甜的鲜百合，估唔到都几夹。
露荀竹笙饺
呢个又系见到特别又叫嚟试下，食到露荀同竹笙嘅脆嫩爽口，调味又刚好！
西米焗布甸
呢个系妈妈想食，佢话好耐都无食而我就系第一次食😆见到表面一层有薄薄嘅莲蓉，入面就有西米、吉士、莲蓉馅，食落唔算甜。
干炒牛河
牛河炒得色泽均匀，牛肉唔会用粉”那”得好劲，仲保留到牛肉口感，整体都唔错。
红烧鸡丝翅
知道呢度出名食翅，见到隔离枱都专登叫碗翅食，所以拣咗个鸡丝翅平平地试下😆鸡丝翅好足料，啖啖都系翅，汤底闻落香气十足之余食落仲好浓郁又胶质满满。
差唔多食完时，侍应会问你食唔食糖水，原来糖水系送嘅。当日有陈皮红豆沙同南瓜雪耳露。两个糖水唔会好甜，红豆沙陈皮味好香，南瓜露够清爽。
📍 新竹园轩 (尖沙咀)
尖沙咀漆咸道南79号中国五矿大厦3楼
张贴
