影片
更多
2021-07-20
518 浏览
一直Bookmark咗呢间Cafe好耐，佢喺荔枝角一间工厦里面，前排同Best Friend约到时间就即刻去！Cafe设计以木系为主，睇落简约，但每个角落都精心布置过，弥漫一种写意嘅氛围，短短几个钟好似去咗一趟日本小旅行咁，好钟意呢种简单又雅致嘅感觉！Cafe细细，座位唔多，基本上可以两个两个人咁座，可以静静哋食嘢、倾计，而且店主态度好好，出品又有心思，欣赏！🥰一直好想食佢哋嘅焙茶卷蛋，但可惜转咗新menu，不过唔紧要，我哋决定试晒两款新出嘅cheese cake慰藉一下无卷蛋食嘅心情😢😎 wingwing.foodfood觉得最特别系「Fat Boy Cake 」🧀，呢个肥仔蛋糕其实系烧芝士蜂蜜蛋糕，听个名以为系日式芝士蛋糕之类，但完全唔系！食落系咸香嘅芝士批，少少半溶嘅芝士真系好吸引，食到停唔到口，咁邪恶嘅甜品梗系要同好朋友一齐share啦~ 一边食呢款，一边食海盐焦糖芝士蛋糕仲可以balance返𠻹。呢度除咗咖啡拉花靓，估唔到佢嘅热朱古力颠覆咗我对热朱嘅想像！第一次饮好似朱古力布丁咁浓厚嘅热朱古力，味道劲浓郁，完全系食紧半溶嘅朱古力一样，wingwing.foodfood推荐各位
一直Bookmark咗呢间Cafe好耐，佢喺荔枝角一间工厦里面，前排同Best Friend约到时间就即刻去！
Cafe设计以木系为主，睇落简约，但每个角落都精心布置过，弥漫一种写意嘅氛围，短短几个钟好似去咗一趟日本小旅行咁，好钟意呢种简单又雅致嘅感觉！Cafe细细，座位唔多，基本上可以两个两个人咁座，可以静静哋食嘢、倾计，而且店主态度好好，出品又有心思，欣赏！🥰
一直好想食佢哋嘅焙茶卷蛋，但可惜转咗新menu，不过唔紧要，我哋决定试晒两款新出嘅cheese cake慰藉一下无卷蛋食嘅心情😢😎 wingwing.foodfood觉得最特别系「Fat Boy Cake 」🧀，呢个肥仔蛋糕其实系烧芝士蜂蜜蛋糕，听个名以为系日式芝士蛋糕之类，但完全唔系！食落系咸香嘅芝士批，少少半溶嘅芝士真系好吸引，食到停唔到口，咁邪恶嘅甜品梗系要同好朋友一齐share啦~ 一边食呢款，一边食海盐焦糖芝士蛋糕仲可以balance返𠻹。
呢度除咗咖啡拉花靓，估唔到佢嘅热朱古力颠覆咗我对热朱嘅想像！第一次饮好似朱古力布丁咁浓厚嘅热朱古力，味道劲浓郁，完全系食紧半溶嘅朱古力一样，wingwing.foodfood推荐各位朱古力迷试吓！🍫
张贴
