影片
更多
2018-06-05
987 浏览
星期六食晏，我通常都会同Daddy食lunch。今日天气好热，又唔知食啲乜，所以爹哋就提议不如去食拉面。我话：「都好呀！我都未试过喺佐敦𠮶头食拉面。」当时大概下午1:15。咁爹哋都带咗去长乐街嘅言居酒屋。如果你未去过长乐街，佢系一条喺弥敦道嘅横街，就算星期六一点几人流都唔多。入到餐厅都有四张枱有客人。我听到厨师(我怀疑系老板)同埋客人喺度倾计，客人话佢好耐之前已经有帮衬呢个厨师。之后佢个女嚟咗呢头读书(相信好大机会系拔萃女书院(小学))，所以佢就你得更多。根据餐厅位置同埋我我偷听到佢哋讲嘢嘅内容，我估计呢间餐厅都主要系做一啲熟客生意，而熟客亦都有几多。隔咗阵，又有三批人，约莫10个入嚟帮衬。餐厅差唔多满坐。由于香港依家有数之不尽净系食拉面嘅拉面店，所以老实讲，如果想食拉面，我都会即时谂起去一啲拉面店度食拉面，未必会去一啲居酒屋食。店内有两位厨师/侍应，虽然都好忙，但系我上边都有提到，佢哋都会同啲客人有倾有讲。呢间餐厅晏昼嘅时候都做lunch set。我就叫左一个猪骨汤拉面set 配左个咖喱饭，加一杯橙汁。Daddy 就冇叫咖喱饭，叫咗个吞拿鱼沙律。首先个咖喱饭同埋杯橙汁嚟咗先，咁我就先
由于香港依家有数之不尽净系食拉面嘅拉面店，所以老实讲，如果想食拉面，我都会即时谂起去一啲拉面店度食拉面，未必会去一啲居酒屋食。
店内有两位厨师/侍应，虽然都好忙，但系我上边都有提到，佢哋都会同啲客人有倾有讲。
呢间餐厅晏昼嘅时候都做lunch set。我就叫左一个猪骨汤拉面set 配左个咖喱饭，加一杯橙汁。Daddy 就冇叫咖喱饭，叫咗个吞拿鱼沙律。
首先个咖喱饭同埋杯橙汁嚟咗先，咁我就先食咗个咖喱饭。个饭唔系好大碗，系典型嘅日本咖喱饭，基本上只有咖喱汁同萝卜、薯仔。咖喱味都浓，加上日本饭，味道都几好。
之后，就轮到拉面啦。个拉面系传统北海道式嘅拉面，面质比较粗，面带黄色。记得我之前最初开始食拉面都系食呢一种嘅拉面。不过，自从豚王、一兰喺香港开咗之后，就掀起左九州拉面嘅热潮。依家出去食拉面其实好多时都系九州拉面style ，面比较细条。反而北海道拉面，而家喺市面上比较少见。
首先试咗个汤，汤个味道都唔错，比我想像中好，猪骨汤味浓郁。虽然冇好似其他拉面店咁俾你拣面嘅软硬度，但系面质都唔错，唔会太林。其实我平均两个星期都会食一次拉面，但系可能最近真系比较少食北海道拉面，所以食完都有个满足嘅感觉。
之后讲下装修，𠮶度们系日本式嘅木门。室内，都系以一啲典型日本style嘅木做墙。店内有啲小摆设点缀，同埋放咗好多居酒屋不可或缺嘅洒。
总结
- 居洒屋食拉面
- 长乐街人流都唔多
- 厅位估计主要做一啲熟客生意
- 侍应虽然都好忙，但系都会同啲客人有倾有讲
- 推介: 咖喱饭，猪骨汤拉面
- 典型日本style装修
- 有啲小摆设同埋洒点缀
日式咖喱饭
61 浏览
0 赞好
0 留言
猪骨汤拉面
34 浏览
0 赞好
0 留言
张贴
