爺爺雞煲皇 (已結業)

今日难得放假，就出左元朗探一个好耐无见既中同。虽然我就住黄大仙，出元朗真系哂我唔少时间，由黄大仙站出到去元朗站，粗略估计都有成40分钟到，不过我同呢个fd以前系中学真系死党黎，大家上左唔同u之后就好耐无见，所以为左佢咁远水路出黎都系值得既。 我地就约左6点半系元朗站等，话去食新野，就撘架小巴(后尾先知系604)撘左一阵就到站，再行多几分钟。原来佢带我黎食呢间爷爷鸡煲皇。 一入到去都算多人，我同个fd坐低无耐就有waiter行黎问我地食咩，我地话第一次黎, 佢就介绍我地食个招牌鸡煲，我地话好佢就帮我地落单, 都几好态度下。 鸡煲黎之前个waiter就俾左d配料我地，之前食开果d全部都要自己出去拎。倾倾下中学d搞笑野同 _ 野之后，个鸡煲好快就黎左，真系好香！闻闻下已经觉得好肚饿忍唔住就起动。虽然我同个fd都麻麻地食得辣，但系个鸡煲真系好好食，个鸡煲又麻又辣，但系我地觉得好鬼正，夹完一旧又一旧，食到个咀都红哂。之前试过系其他地方食鸡煲，鸡煲面头果浸都无乜野，唔知点解入面果浸既鸡就成旧胶咁，咬极都咬唔开(PS 沙田富临。。。)，呢度d鸡就无咁既事，而且都几嫩口。同埋个鸡煲都真系好大锅下，食完