和府撈麵 (2000年廣場)

营业中

休息中

完全同menu图片中的卖相两回事。上到餐台先发觉唔对路，感觉好多客人都系被门口出面的餐牌的相片引咗入餐厅，尤其见到好多外国人指完餐牌后就行咗入去食。碗黑塌菜卤肉饭嘅白饭份量真系劲多，女仔应该好难食得晒，但喺落单时又冇少饭依个选项，可能要同侍应讲先有得少饭。上到嚟先见到个卖相点解同menu咁唔同？！肥肉几乎缩水变晒瘦肉，菜碎一pat嘢，唯独是只糖心蛋睇落仲唔错。成个出品好似被人食咗两啖咁，菜同肉喺饭面铺得好求其😑，甚至菜肉同饭的比例不均匀，食到仲剩返三分二嘅白饭时，要靠朋友碗汤面啲汤去送饭了。。。碗番茄汤肥牛面也一样同menu相片好大出入，肥牛加埋，总共得两块半左右加半条青菜喺面底。番茄汤完全冇番茄嘅酸味，不过都浓郁，但系有少少好微嘅罐头汤味。另外套餐的牛肉串味道就好正常。见到隔离好多人点套餐脆皮鸡/烧鸭，睇落仲okay。