炊公館

营业中

休息中

又唔系唔驶比钱！唔该请过班有礼貌嘅工作人员啦！工作压力大，就返屋企，咁多客系度，两个女员工用晒粗口对话，－个系门口四眼小姐，－个系短头发嘅女同事。乜做午市套餐同下午茶令到你地工作量好大，做唔切咩？唔见得呢？永远招手不见人，叫个男经理攞个餐牌都要三催四请，整个下午茶只有图中个雀笼个六款点心，每样两旧，只有鲍鱼酥叫最好食，其他又普通又唔饱。所以散叫咗个虾多士，唔掂，外貌唔讨好，又唔脆，灌汤饺好味，个汤够清够足料，另外叫咗个鲍汁冬菇鹅掌，呢个掂，鲍汁扣得好好👍🏻、鹅掌亦好入味！整体来讲，食物质素系有嘅，反观员工真系冇－个得，服务态度差，又冇礼貌，我唔清楚贵公司点样对员工，但员工系公司嘅资产，要令员工有归属感提升质素方为上策！