春田冰室

营业中

休息中

叫左个300度铁板餐，啲汁倒落去热都唔热，吱吱声都冇，用只手掂落去都可以顶得顺，真系点可能有300度？啲肉嘅味道都系普通茶记货色，基本上同一个普通扒餐冇乜分别。 拉丝薯条，竟然系将块芝士掉落块铁板度，跟住再摆啲薯条上去！！黎到，𠮶嚿芝士已经㶶晒，成个黐喺底部！叫人点食？我叫阿姐埋嚟睇，佢反问返我应该系点？系咪芝士摆上面头，做拉丝？我话你都知啦，仲问？？真系畀佢激到爆厂！你地厨房唔识整，就唔好学人整喇！最后我唔要，退返畀佢！猪扒包都叫正常嘅，系啲粉厚啲。到最后埋单时，发觉佢收多咗我几蚊，问佢点解？原来佢当咗系晚餐价！我系六点前落单嘅，应该计下午茶嘅价钱！唔声唔声又收多人几蚊！真系离晒大谱！