影片
更多
2018-10-16
756 浏览
老实讲 自开account以黎我都从未打过劣评 本身开呢个account嘅宗旨系希望介绍多d好食嘅餐厅 （特别系小店）俾大家去发掘 不过今次真系要开斋喇呢日女朋友仔突登系大埔接我放工 咁就梗系谂住带佢喺大埔食野啦 大埔出名多野食嘛天气又开始转凉 咁咪一于试下我地两个都冇食过嘅陈汉记煲仔饭 讲到咁出名加上煲仔饭系一样好考功夫嘅野食黎 一于去试下 六点去到其实已经要等位都真系几夸张 不过既然黎到同埋果阵都系等四张枱 咁都可以等下嘅好似等左唔够半个钟 都有位咁其实间铺都唔算细嘅 但我觉得佢想加快运转速度应该喺排队果阵问定食咩 咁可以开始整个煲仔饭 始终煲仔饭都要时间 但谂谂下可能佢真系想达到即叫即煮 真系确保煮得啱啱好果阵可以上枱俾客人挂所以都冇咩理到呢个问题 咁叫左份肠粉同一个煲仔饭（女朋友仔饱饱地所以唔叫太多）咁好快佢就上左份豉油 都估到应该系等阵淋落煲仔饭到嘅豉油 所以即刻攞筷子点下试味点知中伏嘅节奏就开始奏起个豉油得个咸字 冇煲仔饭豉油应有嘅甜味 都开始feel到奶奶到野 都算啦 可能系呢到嘅特别配方 同个饭好match呢 咁咪继续期待下先啰一开始好快就黎左肠粉 卖相都几好 呢个系鲜
呢日女朋友仔突登系大埔接我放工 咁就梗系谂住带佢喺大埔食野啦 大埔出名多野食嘛天气又开始转凉 咁咪一于试下我地两个都冇食过嘅陈汉记煲仔饭 讲到咁出名加上煲仔饭系一样好考功夫嘅野食黎 一于去试下 六点去到其实已经要等位都真系几夸张 不过既然黎到同埋果阵都系等四张枱 咁都可以等下嘅
好似等左唔够半个钟 都有位咁其实间铺都唔算细嘅 但我觉得佢想加快运转速度应该喺排队果阵问定食咩 咁可以开始整个煲仔饭 始终煲仔饭都要时间 但谂谂下可能佢真系想达到即叫即煮 真系确保煮得啱啱好果阵可以上枱俾客人挂所以都冇咩理到呢个问题 咁叫左份肠粉同一个煲仔饭（女朋友仔饱饱地所以唔叫太多）咁好快佢就上左份豉油 都估到应该系等阵淋落煲仔饭到嘅豉油 所以即刻攞筷子点下试味点知中伏嘅节奏就开始奏起个豉油得个咸字 冇煲仔饭豉油应有嘅甜味 都开始feel到奶奶到野 都算啦 可能系呢到嘅特别配方 同个饭好match呢 咁咪继续期待下先啰
一开始好快就黎左肠粉 卖相都几好 呢个系鲜虾拼鱼片肠 价钱都合理嘅 好似廿几蚊 双拼贵少少 食落皮薄幼滑 都属于几高质嘅肠粉皮 馅嘅鲜虾都鲜甜弹牙不过就少左d 鱼片用左鲩鱼片 食落冇泥味都系新鲜野 不过败笔位都系豉油 亦系偏咸果只 令你反而好想走豉油 但好味嘅豉油会令肠粉味道提升 特别系虾肠 但呢到做唔到 反而搞到冇咁好味 但单讲肠粉系真心唔错
呢杯凉粉椰汁杯细细杯都要廿蚊 贵左少少啦 但都可以接受 虽然唔环保但觉得凉粉冰应该要配粗饮筒先啱 另外椰汁冇咩椰味 感觉上开到好稀
主角来了 我地叫左黄鳝白鳝饭 煲仔饭要整得好食 用嘅材料一定要靓啦 叫鳝本身已经系稳阵之选 因为鳝生命力强 唔会好似其他鱼咁一死左就搞到d肉霉晒（不过叫鳝都系因为自己钟意食）用嘅米都系好重要 除左材料同米，豉油 炉头 火力 时间 落水份量 全部都要控制得好 咁样先整得一碗好食嘅煲仔饭
其实呢碗煲仔饭个卖相系几好 而且入店之前我都“目及”个厨房 炉头火力都几够猛 不过睇唔到用嘅系咩炉 但应该唔系炭炉 系gas炉黎都算啦 炭火烧唔系间间做到
不过都expect个饭应该几得 虽然豉油就咁食都已经唔好食不过照落啦 睇下会唔会有咩意外惊喜 落完开始捞已经知出事 d饭咁湿嘅 心谂唔掂wo 我地已经唔系一上枱就即刻开盖搞佢 都俾左大约三至四分钟时间俾佢做最后嘅“收水”但都可以咁湿真系唔得 味道方面鳝系真系唔错 无论白鳝同黄鳝都系咁弹牙有鱼油香 不过鳝唔煮得过火得好夸张 都唔会唔好食 所以煲仔饭嘅鳝好食唔需要额外加分 系应该嘅
不过饭真系败笔 唔够干身唔得粒粒分明已经系煲仔饭嘅死罪 亦因为咁逼唔到米香出黎 我坐个位咁啱望到佢个生米仓 用透明袋装住 睇落唔似劣质米 都系靓野黎 所以米香唔应该冇 真系煮嘅技巧出左事 不过咁 米唔够香都仲可以靠豉油搭救 个豉油真系......做唔到真系同一开始试味一样 得个咸字 喂大佬想点呀 煲仔饭豉油wo我唔系要生抽呀大佬
唉 都唔知点讲 呢个煲仔饭嘅灵魂冇左得番个壳（啫系卖相）老实讲 唔系话好难食 但真系失望 以一间咁出名食煲仔饭日日排队嘅店黎讲 真心唔应该咁 佢嘅水平大约系一间普通酒楼嘅煲仔饭咁一样平平无奇 揾日要去番庙街食番d好味嘅煲仔饭先得
张贴
