康瑞涼茶 (已結業)

原有既旧店搬位搬左去呢度，店舖未搬戈阵已经好想试呢间，相信系街知巷闻既一间凉茶&甜品店，店舖名虽然系「康瑞凉茶」，但最出名嘅竟然唔系凉茶，而系佢卖嘅甜品。天气热到一个极点，位置吾近地铁站，行过去要少少时间，不过试完就会觉得山长水远行到去都系值既，要简单描述点去，就系西九龙中心正门出嚟，转右行一阵再一路向左直行。一叫就当然叫佢最出名既特式仙草百配，好快就黎左，芋圆同地瓜圆都好烟韧，地瓜圆食落去仲食到啲地瓜蓉仲有仙草、小丸子、薏米、西米、红豆，第1次食仙草，个味似凉粉haha，软林林再加埋其他配料都几好食 ，买相都好靓，$25确实抵食呀。P.s. 开头仲以为呢啲传统老店会好热，跟住行到成身汗已经好绝望⋯⋯但原来店内嘅冷气系十分充足。