波記 (已結業)

一早听闻呢度有全城数一数二嘅烧鸭濑粉。今日趁晚上有空档，不惜坐车亲来一试...原来坐落于以前熟悉嘅旧地，想当年跟好友沿着斜路行落去饮茶食tea，好怀念....店子小小，得四至五张枱，大部份似系熟客，见佢哋一行入嚟就跟老板打招呼，自己走去冰箱攞嘢饮...不怠慢，马上叫碗鸭脾濑...一望卖相已知极美味。先喝一口汤，汤底极甜。汤本身已甜，经混和咗D烧鸭汁后，甜上加甜。饮唔出系师傅上身，饮吓饮吓，成碗干哂...烧鸭虽然系用来货，但肥瘦得宜，肉地够实净；虽唔系新鲜出炉，鸭皮食落仍带有少许微脆...非常之出色，好想知道佢哋嘅烧鸭嘅来货系来自边度...濑粉就相对地普通，无甚特别...但已经系水准迹近完美嘅鸭脾濑。忽然想起，若果换转将太子大记嘅攦粉加入代替，咁就真系perfect嘞...当然唔够喉，叫多碗净云吞。传统style，细细只，猪及虾肉参半，一碗十只，一个人独吞，又系食至碗底朝天...好满足嘅一餐，应承太座下次一定要带佢试吓...平、靓、正...三个字讲晒....