何洪記

营业中

休息中

6月1日, 呀菲呀比俩口子就快变三口嘅日子快将来临, 所以最近都加紧节奏狂食埋最后嘅舒服餐~ 今日抽起条根好想食干炒牛河, 而云云餐厅中对干炒牛河比较有信心保证嘅要数何洪记!::: 干炒牛河 ::: $88果然系名不虚传! 干炒牛河色水均匀, 河粉炒得够光泽但唔会黐埋一旧旧, 条条都烟烟韧韧有米香. 牛肉味道系新鲜既~ 咬落唔会好似比梳打粉腌到软淋淋, 而系有d嚼劲既! 其他配料如芽菜、韭菜、葱丝都落足料兼炒得有镬气~ 好味!::: 正斗鲜虾云呑面 ::: $35黎何洪记又点能够唔叫碗细蓉试下呢? 秉承传统风味, 细蓉真系好细的, 三两啖可以食晒! 当然, 除咗系传统细细碗之外, 云吞都系传统一口size, 云吞皮刚好似条金鱼尾巴, 渌得刚好滑溜. 皮薄馅靓, 用上鲜弹虾仁做馅, 咬落弹牙有鲜味~ 竹升面亦十分爽口~ 值得一吃.::: 黄沙鲜猪膶肠粉 ::: $40猪润肠皮薄馅靓, 用料劲足! 晶莹剔透既肠粉皮下可见粒粒大粒既猪润~ 猪润爽嫩味道浓郁, 配上有米味嘅肠粉十分相配! 钟意食猪润嘅朋友一定要试!由以前喺跑马地放学行出铜锣湾必经既何洪记地舖时代已经好想试, 不过细个成日以为佢