知味棧咸雞咸鴨專門店

营业中

休息中

听住喺大埔嘅同事介绍过几次，终于的起心肝上去市政大厦试吓。同其他烧腊档相比，人哋挂晒豉油鸡，但呢间野挂嘅只系普通色嘅鸡鸭，仲以为系好一般嘅卤水烧腊档，睇落先知原来别有洞天，你要去睇真啲先知佢地啲鸡嘅整法同其他铺头唔同。其中首推手撕鸡，原来就咁去买系有限定的，所以大家如果山长水远去试，不妨打个电话预订先，可订半只或全只。因为始终都系冷盘小菜，香味唔会太多，但到食嘅时候，就发现麻油同洋葱香到不得了，鸡肉口感很好，都算滑。因为我试过其他地方的手撕鸡，啲肉都比较韧，以呢个小菜40蚊嚟讲算系唔错！另外，都买左半只鸭。老板话冻热两食。基于懒惰，我拣左前者食法……哈哈，点知……真系几好食㖞！鸭肉不肥腻，少少咸，但不至于味寡，冻食建议加泰式酱(店有提供)，唔错！大热天时，食番碟凉拌手撕鸡同冻鸭，的确唔错。不过铺头净得外卖，如果有埋位坐就更好勒。