知味棧咸雞咸鴨專門店

营业中

休息中

有食開呢道的鹹雞及鹽水鴨(或鵝？), 聽聞盤菜都出色所以訂左Xmas Eve 係公司慶祝下。細盤$880網上過數，當時報價送貨係$100, 叫我地直接比司機，但送貨時司機話係$120, 仲話價期係貴d, 有d 收$150添。舖頭話可能接單同事吳太清楚講錯左，都無法，但非常吳專業。以為送上門，吳係，係要自己落街羅，如果一早講清楚我地可以自己渣車去羅，跟本吳洗額外比錢。我吳知個盤有幾多隻size, 但個細盤菜係吳滿的，份量好少，我地4個女仔食晒一件不留，公道d講味道係好食的，但用料與份量加服務係吳值$880，錫紙未打開時有d 凹，同網上的圖片個個滿瀉差好遠。好彩無係過年時訂，否則會超失望。

約兩個星期之前，在YouTube看到介紹這間店舖的影片，知道他們也有做盆菜，所以一個月前透過電話預訂了一個五至六人的盆菜，價值$880 ，即時經銀行過數之後，今天我便過去拿這個盆菜回家，作為今晚屋企慶祝冬至晚餐。盆菜包裝得很企理，另外配以三樽湯水作為湯底，我家住在旺角，特登架車到大埔取這個盆菜回家。說實在，在香港吃了那麼多次的盆菜，這個盤菜非常好味道。他們的客家鹹雞鹹鴨做得很入味，鹹香味道做得極到位，另外我很喜歡他們的豬腩肉，炆得很彈牙入味，其他如蠔豉，豬皮，魚蛋，鮮蝦，芋頭炆得非常美味，自己是一個非常喜愛吃鹹雞的人，這裏的鹹雞實有我小時候吃婆婆做的那種美味。我想以後每逢過節也有機會會再幫襯這間舖頭的盆菜，實在是一間對食物質素有誠意的香港小店。

<<冬至要食手工盆菜>>就到冬至~又係大班人食飯既好時候。諗到頭爆唔知食乜好，不如就食個盆菜喇。知味棧鹹雞鹹鴨專門店係正宗客家菜，所以盆菜內都有加入了特色的鹹雞鹹鴨，岀面都好少有雞肉夠結實而且有濃厚雞味。其他正路既材料例如:大蝦、鮑魚、冬菇、腩肉。而妹仔肚既我最中意食佢地既豬皮，知味棧的豬皮完全無油益味，可見功夫下了不少。今次叫左細Size $800 夠4-6人食，我地一大班都食唔哂，超足料！除咸雞咸鴨外，仲有手撕雞 $60/半隻 都係即撕架，老闆話事先撕好擺喺度嗰啲唔好食架喎，超有心

早排要搞個飯局 大家一致想吃盆菜 但香港有好多專門做盆菜店舖 實在花多眼亂 只好上網揾料 又問下朋友 正當傷透腦筋時 終於有位住在大埔的朋友推介 大埔街市有一間做盆菜 佢試過D盆菜都OK 叫我上去睇睇 我就攞咗地址上去睇下 去到街市照著地址上一樓去找 終於看見知味棧這小店 利害 舖頭門外已堆滿客人訂下的盆菜 一盆盆放在枱上 一看見已给了我信心 我即時了解一下訂購盆菜事情 老闆好有心機一一解答 經過輪資詢後 我就決定幫襯這間小店 訂了二盆大的由小店安排明天送到我家 到了第二天 盆菜到了 朋友到齊 準備開餐 打開盆菜後跟昨天老闆所说的食法慢慢加熱 香氣漸漸漂入鼻裡 好香 等不了開始行動將盆內的食物夾入口裡 好味 腩肉 咸鴨 雞 鲍片 蠔豉......通通都好入味 我個人最喜歡是蘿白同豬皮超正 雖然這小店的盆菜只是普通食材 但可以做到如此味道確實難得 令我們二十幾人都食得這麼開心 老闆勁呀 我下次一定會再次幫襯

吃完一次之後打算再幫襯，所以特別在openrice搜尋呢間舖既評價，無諗到居然得咁少review？！所以手癢幫佢加個笑哈哈啦~個日因為我屋企係無飯家庭而終於有飯開的關係，特別去左一轉大埔墟「斬料」，四圍行完之後順便上左去熟食中心。呢度其實有唔少好不錯的食店，大家可以自行openrice一下，就唔係度多講了。話說我係俾呢只鴨所吸引的！登登登鄧~~好大隻！而且價錢亦唔貴，百幾元。斬件個時見到鴨肉中間係粉紅色。勁驚唔熟，於是將心中的疑問向店主提出，店主都好好人咁解答我，話係因為冰鮮鴨的血積係肉入面所致，並非因為未完全煮熟~~可以安心食用！試完覺得D肉質都唔錯，非常有「鴨味」，鴨肉的肥瘦亦適中；因為個人最怕鴨肉過熟及過韌；所以好欣賞這間店的鴨肉是可以一口用牙齒切斷！話時話，一路打呢篇食評，個腦又回味起隻鴨，心思思好想再食啊~~

本身都唔係住係呢區不過因為朋友帶我去呢一區搵食~行下行下就呢到呢間小店啦雖然店舖外貌平凡, 不過手撕雞呢樣茶式平日比較少見, 所以想一試買到番屋企一食, 味道原來不錯wo!有麻油既香味, 雞肉都ok新鮮肉質都算唔錯, 幾滑唔鞋口不過佢連埋d雞皮 (你知啦女仔怕肥ga ma)幸好d雞皮都有撕開一條條, 食落都冇咩肥膩感用行朋友就買左咸鴨試左一舊, 味道就冇手撕雞咁好味屬一般啦, 不過不失 個人認為手撕雞值得一試!

今日勁好天，好有入秋氣氛，同老婆一齊踩單車由大圍踩到入大埔，入到大埔交車剛好3點3，去大埔新街市食完個牛腩河就打算買D餸返屋企預備晚飯，行到街市一樓燒腊檔發現有手撕雞賣，心諗買半隻雞，灼碟菜就夠今晚兩個人食，方便快捷。返到屋企成盒放入冰箱等開飯，食落涼浸浸，D雞肉好有雞味，醃得唔會咸，如果可以落多D蒜泥就好啦！！下次會再幫襯。

聽住喺大埔嘅同事介紹過幾次，終於的起心肝上去市政大廈試吓。同其他燒臘檔相比，人哋掛晒豉油雞，但呢間野掛嘅只係普通色嘅雞鴨，仲以為係好一般嘅鹵水燒臘檔，睇落先知原來別有洞天，你要去睇真啲先知佢地啲雞嘅整法同其他鋪頭唔同。其中首推手撕雞，原來就咁去買係有限定的，所以大家如果山長水遠去試，不妨打個電話預訂先，可訂半隻或全隻。因為始終都係冷盤小菜，香味唔會太多，但到食嘅時候，就發現麻油同洋蔥香到不得了，雞肉口感很好，都算滑。因為我試過其他地方的手撕雞，啲肉都比較韌，以呢個小菜40蚊嚟講算係唔錯！另外，都買左半隻鴨。老闆話凍熱兩食。基於懶惰，我揀左前者食法……哈哈，點知……真係幾好食喎！鴨肉不肥膩，少少鹹，但不至於味寡，凍食建議加泰式醬(店有提供)，唔錯！大熱天時，食番碟涼拌手撕雞同凍鴨，的確唔錯。不過鋪頭淨得外賣，如果有埋位坐就更好勒。

朋友介紹我去呢間鹵味店買手撕雞試下，間店好易搵, 就0係大埔墟街市上面。去到買左半隻手撕雞，原來都好大盒下~返到屋企用黎撈飯, 非常之好食！因為係用客家做法整,雞絲本身有D咸味,再加埋其他調味料,有咩呢,有生洋蔥,麻油同芝麻,食落好香口不過唔知係唔係外賣拎走,番到去果時食D雞同調味料既味有D唔均衡,食表時有D淡,食到底好香濃建議大家食前再攪拌多次同埋佢盒雞係連骨既,一開頭見到有D錯愕但老闆娘話雞骨先係精粹我比左我媽食,佢話幾好味喎,吸左D味,中意算骨既人可試下最後我一口氣食左三碗！ 食粥都應該會好正！下次會去試下蒸鹹鴨！