影片
更多
2021-10-13
254 浏览
呢间专食🥘正宗重庆麻辣火锅嘅「刘一手」系今年卷土重来，选址系九龙塘又一城商场里面重开，地点几方便就脚。朋友试过后话几高质，今次再一齐去食，所以都有满满期待感。全店装修用咗非常有传统京剧味道嘅设计，大红色嘅玻璃加木制家私，几有特色，而家座位阔落，坐得松动。调味料方面，每枱都会有一个调味架提供，上面都系一般火锅店会提供嘅葱蒜酱油等等。而佢另外每位都会有提供一罐即弃罐装香油，据闻香油嘅作用系可以保护返个胃，有层油隔住唔驶咁伤胃，又有润喉作用，中和返啲辣度。店铺亦贴心地准备咗即弃围裙，唔驶俾辣油弹到👍🏻汤底系火锅嘅灵魂，佢呢度最犀利当然系「招牌麻辣火锅」，据闻汤底用咗牛油脂肪，贡椒等加埋十几种药材同香料炮制嘅，但因为唔系个个都食辣，所以我哋都叫咗鸳鸯汤底：🔹招牌一手辣方麻辣红油汤底 ($𝟗𝟖/半锅)：佢有得拣辣度，加一个辣度就+$10，上次朋友试过2只辣椒唔够，所以今次挑战3个辣椒🌶🌶🌶！麻辣汤底系用麻辣砖，慢慢融化。我食唔到辣，只系试咗一啖，觉得非常之辣🥵！朋友就话愈食愈过瘾，唔会得死辣味道，麻味够重，辣得嚟温和之余，辣味同香味都平衡得好好。🔹鲜蕃茄浓汤($𝟖𝟖/半锅)：唔食辣嘅我，专攻佢嘅
调味料方面，每枱都会有一个调味架提供，上面都系一般火锅店会提供嘅葱蒜酱油等等。而佢另外每位都会有提供一罐即弃罐装香油，据闻香油嘅作用系可以保护返个胃，有层油隔住唔驶咁伤胃，又有润喉作用，中和返啲辣度。店铺亦贴心地准备咗即弃围裙，唔驶俾辣油弹到👍🏻
汤底系火锅嘅灵魂，佢呢度最犀利当然系「招牌麻辣火锅」，据闻汤底用咗牛油脂肪，贡椒等加埋十几种药材同香料炮制嘅，但因为唔系个个都食辣，所以我哋都叫咗鸳鸯汤底：
🔹招牌一手辣方麻辣红油汤底 ($𝟗𝟖/半锅)：
佢有得拣辣度，加一个辣度就+$10，上次朋友试过2只辣椒唔够，所以今次挑战3个辣椒🌶🌶🌶！麻辣汤底系用麻辣砖，慢慢融化。我食唔到辣，只系试咗一啖，觉得非常之辣🥵！朋友就话愈食愈过瘾，唔会得死辣味道，麻味够重，辣得嚟温和之余，辣味同香味都平衡得好好。
🔹鲜蕃茄浓汤($𝟖𝟖/半锅)：
唔食辣嘅我，专攻佢嘅蕃茄汤底˙𐃷˙！个人觉得相当出色，里面有齐蕃茄，薯仔，红萝卜等，而且相当浓郁，唔系好水好稀𠮶啲汤底，好啱怕热气同埋食素嘅朋友仔，
个人感觉火锅配料好多都大同小异，只要系新鲜嘅话，基本上都唔会太难食。而呢度都做得唔错，无论系饺类或肉类等都系新鲜高质，无雪藏味等等。以下有三款个人觉得必食：
🔹一手酱油腌制猪肉片($𝟗𝟖）：
用咗猪五花，虽然薄身，但系一入口觉得油花感好重，而且的确有花功夫腌制过，即系浸完汤底后，仍然食到猪肉片腌咗嘅味道，有惊喜。
🔹栗米($𝟒𝟐)：
个人食火锅时必叫一定系栗米，间餐厅如果栗米够甜，连埋汤一齐食系相当好味。呢度一份大约有6-7旧左右，份量足够，而且好甜，加埋落蕃茄汤索汁系相当好味，如果钟意蕃茄汤嘅朋友不妨试试。
🔹宽粉($𝟑𝟖)：佢嘅宽粉系几特别嘅，好多地方食嘅宽粉系比较有韧力，但呢度系一咬就断，又相当之滑，吸哂汤汁嘅精华，一流。
佢呢度另外仲有一啲特色饮品，例如野生鸡骨五花蜜，竹蔗马蹄水等等都系劲解辣又几大杯嘅，朋友食到劲辣时，饮咗啖即刻超舒缓(*´◡`)
整体嚟讲，火锅最重要嘅汤底，无论系麻辣定系蕃茄汤，呢度都做得好高质同埋有特色，嗜辣同埋怕辣嘅朋友都可以同时享受，而且各样食物都做得唔错。
张贴
