泰灜

营业中

休息中

名不虚传的Thai-In火焰烧春鸡。气氛热闹的泰菜，7点食到9点几，keep 住见到人哋庆祝生日，order咗芒果糯米饭蛋糕，我都劲想试，可惜我同朋友两个人试唔到太多嘢。终于食到一直都好想试嘅Thai-In火焰烧春鸡，确实系我钟意既野，鸡肉好嫩滑Juice，然后配上甜甜地嘅外皮同埋好香嘅玫瑰酒味，食唔停，餐牌上写住要等需时30-40分钟，可能一路挂住倾偈，又唔系觉得等咗好耐。另外，我都好钟意食佢个串烧（翟道翟猪肉串配糯米饭（6pc））同埋蒜蓉炒通菜。串烧猪热度甜甜地，加上肉质嫩滑唔会干真身，再配埋自家制嘅酱汁一齐食，就非常惹味。个通菜都炒得好有镬气，蒜蓉味加上甜甜地嘅汁一齐炒，食到好开胃。食泰国菜，当然就唔少得椰青同埋泰式奶茶，今晚个椰青超乱超好饮，我连入边啲肉都刮清晒嚟食，正啊！然后仲俾我哋发现佢有晚市堂食优惠，价钱仲好吸引。